अर्थतन्त्र

को को परे प्रतिनिधिसभा नियमावली मस्यौदा समितिमा ?

• गाउँ सहर संवाददाता
• १० माघ मंगलबार, २०७९ | १४:१९:०० मा प्रकाशित

काठमाडौँ । मंगलबार बसेको प्रतिनिधिसभा बैठकमा २१ सदस्यीय प्रतिनिधिसभा नियमावली मस्यौदा समिति गठन सर्वसम्मतिले पारित भएको छ । 

नेपालको संविधानको धारा १०४ को उपधारा १ बमोजिम प्रतिनिधिसभाले आफ्नो कार्य संचालन गर्न प्रतिनिधिसभा नियमावली मस्यौदा समिति गठन गरिएको हो ।

समितिमा सांसदहरु अनिता देवी, डाक्टर अमरेशकुमार सिंह, गंगाधर चौंधरी, चित्रबहादुर केसी, जीवन परियार, दिलेन्द्रप्रसाद बडु, नागिना यादव, प्रकाश ज्वाला, प्रदिप यादव, प्रेम सुवाल, महेशप्रसाद गर्तौला, रमेश लेखक, लिलानाथ श्रेष्ठ, विद्या भट्टराई, शक्तिबहादुर बस्नेत, सर्वेन्द्रनाथ शुक्ला, सिता गुरुङ, सुवाषचन्द्र नेम्वाङ, सोभिता गौतम, हितराज पाण्डे र ज्ञानेन्द्रबहादुर शाही रहेका छन् ।

बैठकको सुव्यवस्था कायम गर्न र समिति गठन, कारबाही र प्रतिनिधिसभा समितिको कार्यविधि नियमित गर्न र प्रतिनिधिसभाको अन्य कार्यमा सहजता ल्याउन आवश्यक भएकाले समिति गठन गरिएको छ ।  समितिले १५ दिन भित्र सो मस्यौदा तयार पारी प्रतिनिधिसभा बैठकमा पेश गर्ने छ ।