राजनीति

दुईटा मन्त्रालय माग्दै सिके राउत, भागबन्डा नमिले समर्थन फिर्ता लिने

• गाउँ सहर संवाददाता
• ४ माघ बुधबार, २०७९ | १३:३२:०० मा प्रकाशित

काठमाडौँ । सिके राउत नेतृत्वको जनमत पार्टीले सरकारसँग थप अर्को मन्त्रालयको प्रस्ताव राखेको छ ।

जनमत पार्टीका अध्यक्ष सिके राउतले  प्रधानमन्त्री प्रचण्डसँग थप एउटा मन्त्रालयको प्रस्तावमा छलफलका लागि अहिले सो पार्टीका उपाध्यक्ष समेत रहेका खानेपानी मन्त्री अब्दुल खान बालुवाटार गएका छन् ।

जनमत पार्टीले खानेपानी मन्त्रालय अस्वीकार गरेको थियो । खानेपानीसहित दुईटा मन्त्रालय लिएर पार्टी सरकारमा सहभागी हुने प्रस्ताव मन्त्री खानले प्रधानमन्त्री प्रचण्डसमक्ष राखेका छन् । उक्त पार्टीले वन मन्त्रालय र खानेपानी मन्त्रालयको माग गर्दै आएको छ । जनमत पार्टीले एउटा मात्र मन्त्रालय दिएमा उद्योग, वाणिज्य मन्त्रालय अथवा त्यो जस्तै कुनै अर्को मन्त्रालय दिनुपर्ने माग राखेको छ भने दुईटा दिने भए खानेपानी र वन मन्त्रालयको माग गर्दै आएको हो ।

जनमत पार्टीले आजै केन्द्रीय समिति बैठक पनि बेलाएको छ । भागबन्डा मिलेमा सरकारमा सहभागी हुने नभए समर्थन फिर्ता लिने अवस्था छ ।