वातावरण

मुलुकभर वर्षा, हिमपात र हुस्सुले प्रभाव पर्ने, सावधानी अपनाउन आग्रह

• गाउँ सहर संवाददाता
• १९ पौष मंगलबार, २०७९ | ०७:२९:०० मा प्रकाशित

काठमाडाैं । आज बिहान देशका पहाडी भू-भागमा आंशिक देखि सामान्य बदली  रही मध्य तराईका थोरै भू-भागमा हुस्सु लागेको  छ ।

पश्चिमी न्यून चापीय प्रणालीको सामान्य प्रभावले मुलुकभर माैसममा बदली भएकाे मौसम पूर्वानुमान महाशाखाले जनाएको छ । 

आज दिउँसो देशको पहाडी भू–भागमा आंशिक बदली रहनेछ । बाँकी भू–भागमा मौसम सामान्यतया सफा रहनेछ । प्रदेश–१, गण्डकी र कर्णाली प्रदेशका हिमाली भू–भागका एक–दुई स्थानमा हल्का हिमपातको सम्भावना रहेको छ ।

विभागले आज राति देशको पहाडी भू–भागमा आंशिक बदली रहने जनाएको छ । बाँकी भू–भागमा मौसम सामान्यतया सफा रहनेछ । प्रदेश–१, गण्डकी प्रदेश र कर्णाली प्रदेशका हिमाली भू–भागका केही स्थानमा हल्का हिमपातको सम्भावना रहेको छ ।

वर्षा, हिमपात र हुस्सुका कारण चिसो बढ्नेक्रममा रहेको विभागले जनाएको छ ।  हुस्सु र कुहिरोका कारण दैनिक जनजीवन र सडक यातायात तथा हवाई सेवामा प्रभाव पर्ने सम्भावना रहेको विभागले जनाएको छ ।