दिगोविकास

एमाले र माओवादीका महासचिव पराजित

• गाउँ सहर संवाददाता
• ८ मङ्सिर बिहीबार, २०७९ | १०:५१:०० मा प्रकाशित

काठमाडाैं । यस पटक दुई दलका महासचिव पराजित भएका छन् ।

नेकपा एमालेका महासचिव शंकर पाेखरेल र माओवादी केन्द्रका महासचिव देव गुरूङ पराजित भएका हुन् । 

लमजुङबाट सत्ता गठबन्धनका उम्मेदवार नेकपा माओवादी केन्द्रका महासचिव देवप्रसाद गुरुङलाई ३ हजार १ सय ८८ मतले पराजित गर्दै एमाले उपमहासचिव पृथ्वीसुब्बा गुरुङले प्रतिनिधिसभाको यात्रा तय गरेका हुन् । निर्वाचित गुरुङले ३४ हजार ९ सय ६९ मत पाएका छन् ।

माओवादी केन्द्रका महासचिव देव गुरुङले ३१ हजार ७ सय ८१ मत पाए ।

त्यस्तै दाङ निर्वाचन क्षेत्र नम्बर २ मा एमाले महासचिव शंकर पोखरेललाई हराउँदै माओवादी नेता रेखा शर्मा विजयी भएकी छिन् । सत्ता गठबन्धनबाट उम्मेदवार रहेकी माओवादी नेता रेखा शर्मा २ सयभन्दा कम मतान्तरले विजयी भएकी हुन् ।

उनलाई झिनो मनान्तरमा माओवादीकी रेखाले हराइन् । पोखरेललाई एमालेको भावी नेतृत्वका रुपमा हेरिने गरिन्छ भने उनी अध्यक्ष केपी ओलीका विश्वासपात्रका रुपमा चिनिन्छन् ।  शंकरले  २६ हजार ६८१ र रेखाले २६ हजार ८७७ मत प्राप्त गरे ।