राजनीति

पोखरा २७ मा पाँच दलीय गठबन्धनको घरदैलो

• गाउँ सहर संवाददाता
• २७ कार्तिक आइतबार, २०७९ | २१:२२:०० मा प्रकाशित

पोखरा । कास्की क्षेत्र नं १ अन्तर्गत पोखरा २७ मा पाँच दलीय गठबन्धनले आइतबार घरदैलो तथा मतदाता भेटघाट गरेको छ । मतदाता भेटघाट गर्दै कास्की क्षेत्र नं १  का पाँच दलीय गठबन्धनका प्रतिनिधि सभा सदस्य उम्मेद्बार किशोरदत्त बरालले देश सबैभन्दा माथि भएको बताए ।

गठबन्धन निर्वाचन जित्नका लागि र कसैलाई सत्तामा पु-याउनका लागि  मात्र नभएको स्पष्ट पार्दै उनले देश बचाउन र उपलब्धिको रक्षाका लागि गठबन्धन भएको उल्लेख गरे । बरालले जनतालाई झुटो नबोली सत्यसत्य कुरा गर्ने बताए ।

'जथाभावी बोलेर हिँड्दिन, भोलि पनि तपाईँहरुसँग भेटिनुपर्छ, उनले भने– गर्न सक्ने र पूरा गर्ने कुरा मात्र गर्छु, मलाई विश्वास गरिदिनुहोस् ।'

'धेरै आवश्यकता छन्, एकैपटक सबै आवश्यकता पूरा गर्न सकिँदैन, तपाईँहरुले नै जुन काम पहिले गर्नुपर्छ भन्नुहुन्छ, त्यही गर्छु ।' भन्दै उनले शिक्षा, कृषि र पर्यटनलाई विशेष जोड दिएका थिए ।