अर्थतन्त्र

सिभिल बैंककाे नाफा ४१ करोड ५० लाख ९१ हजार रुपैयाँ

• गाउँ सहर संवाददाता
• ७ कार्तिक सोमबार, २०७९ | २२:३७:०० मा प्रकाशित

काठमाडौँ । सिभिल बैंकले चालु आर्थिक वर्षको पहिलो त्रैमासमा ४१ करोड ५० लाख ९१ हजार रुपैयाँ खुद मुनाफा आर्जन गरेको छ । गत आवको सोही अवधिमा भने बैंकको यस्तो नाफा २९ करोड १८ लाख ४९ हजार रुपैयाँ रहेको थियो ।

हाल चुक्ता पूँजी नौ अर्ब सात करोड ५८ लाख ४४ हजार रुपैंयाँ रहेको बैंकले चालु आवको पहिलो त्रैमासमा ९२ अर्ब ५९ करोड ७५ लाख ७७ हजार रुपैयाँ निक्षेप संकलन गरी ८३ अर्ब ७७ करोड ८२ हजार रुपैयाँ कर्जा प्रवाह गरेको छ ।