नवरात्रको आज चौथो दिन कुष्माण्डा देवीको पूजा आराधना गरी मनाइदै
- गाउँ सहर संवाददाता
- १३ असोज बिहीबार, २०७९ | ०७:२६:०० मा प्रकाशित

काठमाडाैं । नवरात्रको आज चौथो दिन । कुष्माण्डा देवीको विधिपूर्वक पूजा आराधना गरी मनाइन्छ । कुष्माण्डा देवीलाई शुभकर्मको शुभारम्भ वा सृष्टिको प्रतीकको रुपमा पूजा गरिन्छ ।
आठ भुजा भएकी कुष्माण्डा देवीलाई अष्टभुजा पनि भनिन्छ । देवीको अष्टभुजामा कमण्डलु, धनुष बाँण, गधा, चक्र, अमृत, कलश र माला रहेको छ । मन्द हाँसोसहित ब्रह्माण्डको उत्पति गरेकाले देवीको नाम कुष्माण्डा रहेको उल्लेख छ ।
कुष्माण्डाको अर्थ कुभिण्डो हो । गर्मी मौसममा फल्ने फल भए पनि फलको भित्री भाग शीतल हुने भएकाले कुष्माण्डा देवीलाई पनि सन्सारिक दुःख कष्ट तथा पीडामा शीतलता प्रदान गर्ने देवीको रुपमा पूजा गरिन्छ । कुभिण्डोलाई कुष्माण्डा देवीको प्रतीकको रुपमानेर नवरात्रको चौथो दिन यसको पूजाआजा गर्ने चलन रहेको छ ।
शक्तिपीठ तथा देवी मन्दिरहरूमा आज कुभिन्डोको विधिपूर्वक पूजा गरी त्यसैको बली समेत चढाउने गरिन्छ । नवरात्रभर पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौथो दिन कुष्माण्डा, पाँचौँ दिन स्कन्दमाता, छैठौँ दिन कात्यायनी, सातौँ दिन कालरात्री, आठौँ दिन महागौरी र नवौँ दिन सिद्धिदात्रीको पूजा आराधना गरिन्छ ।
नवरात्रभर देशका विभिन्न शक्तिपीठहरूमा दर्शन गर्न भक्तजनको घुइँचो लाग्ने गर्छ । विशेषगरी काठमाडौंको नक्साल भगवती, शोभा भगवती, भद्रकाली, काभ्रेको नाला भगवती, काभ्रेको पलाञ्चोक भगवती मन्दिर, ताप्लेजुङको पाथीभारा, धरानको दन्तकाली, गोरखाको मनकामना, सप्तरीको छिन्नमस्ता, पोखराको विन्ध्यावासिनी, भोजपुरको सिद्धकाली मन्दिरमा विशेष पूजा आराधना हुने गर्छ ।

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- नेपाल सुपर लिगमा मार्की खेलाडिको रूपमा राष्ट्रिय टोलीका गोलकिपर श्रेष्ठ एफसी चितवन क्लबमा आबद्ध
- सरकारलाई सर्वोच्चकाे प्रश्न : दुई पूर्वप्रधानमन्त्री र मुख्यसचिवलाई मुद्दा किन नचलाएको ?
- ग्लोबल आइएमई बैंकको क्रेडिट कार्डको पहिलो प्रयोगमा २५ प्रतिशत क्यासब्याक
- ‘सरकारी नीतिका कारण ५९ लाख लगानीकर्ता सडकमा आएका छन्’ : अध्यक्ष ढकाल
- साँगा–धुलिखेल सडक विस्तार गरिरहेकाे ठेकेदार कम्पनीले भुक्तानी नपाएपछि निर्माण रोक्ने चेतावनी
- शेयरबजार : दुई अर्बकाे काराेबार, यस्ताे रह्याे नेप्से
- सहुलियत पसल असोज २१ देखि, के-के बस्तुमा पाइन्छ छुट ?
- आयल निगमले आइपीओ जारी गर्ने
- ‘नेताले गफ चुट्ने, बिरामीले डाक्टर कुट्ने’ प्लेकार्ड बाेकेर डाक्टर माइतिघरमा
- सुरु भयो इन्द्रजात्रा, ३२ हाते लिङ्गो हनुमानढोकामा ठड्याइयो
प्रतिकृया दिनुहोस