राजनीति

देउवा पहिलो प्रधानमन्त्री जसले गराउँदैछन् लगातार दुई पटक प्रदेश र प्रतिनिधि सभा निर्वाचन

• गाउँ सहर संवाददाता
• १९ श्रावण बिहीबार, २०७९ | १७:४२:०० मा प्रकाशित

काठमाडौं । प्रधानमन्त्री शेरबहादुर देउवा लगातर दुई पटक प्रदेश र प्रतिनिधि सभा निर्वाचन गराउने पहिलो प्रधानमन्त्री बन्ने भएका छन् । संविधान सभाबाट संविधान जारी भएपछि पहिलो निर्वाचन गराउने सरकारको नेतृत्व वर्तमान प्रधानमन्त्री शेरबहादुर देउवाले नै गरेका थिए ।

 

आज बसेको मन्त्रिपरिषद्को बैठकले आगामी मंसिर ४ गते प्रदेश र प्रतिनिधि सभा निर्वाचन गर्ने निर्णय गरेको छ ।

यसअघि २०७४ मंसिर १० र २१ गते दुई चरणमा प्रदेश र प्रतिनिध सभा निर्वाचन भएको थियो । उक्त निर्वाचन पनि प्रधानमन्त्री शेरबहादुर देउवाको नेतृत्वमा भएको थियो ।

२०७४ भदौ ५ गते बसेको मन्त्रिपरिषद्को बैठकले २०७४ मंसिर १० गते प्रतिनिधिसभा र प्रदेश सभाको निर्वाचन गर्ने घोषणा गरेको थियो। भदौ १४ गते निर्वाचन मंसिर १० र २१ गते दुई चरणमा गर्ने निर्णय आएको थियो। यस पटक भने एकै चरणमा मतदान हुने भएको छ।