शिक्षा

सुनापतिकाे सामुदायिक विद्यालयबाट एसईईमा उत्कृष्ट नजिता ल्याउने विद्यार्थी र शिक्षक सम्मानित

• गाउँ सहर संवाददाता
• १६ श्रावण सोमबार, २०७९ | १८:०८:०० मा प्रकाशित

रामेछाप । एसईई परीक्षामा ४ जिपीए ल्याउने दुई विद्यार्थीलाई गाउँपालिकाले सम्मान गरेकाे छ । 

सुनापति गाउँपालिका-४, डहुस्थित सामुदायिक विद्यालय श्री डहु माध्यमिक विद्यालयबाट एसईई परीक्षामा ४ जिपीए ल्याउने दुई विद्यार्थी सम्मानित भएका हुन् । 

एसईई परीक्षा २०७८ मा नेपाल भरिकै उत्कृष्ट ४२ मध्ये दुई विद्यार्थीहरु राजन तामाङ र प्रतीक थिङले उत्कृष्ट नतिजा प्राप्त गरेका थिए । 

पालिकाले आयोजना गरेको सम्मान गर्दै गाउँपालिका अध्यक्ष ठूलाेकान्छा तामाङ, उपाध्यक्ष गीता विष्ट तथा प्रमुख प्रशासकीय प्रमुख कमलराज श्रेष्ठले उनीहरूकाे उज्ज्वल भविष्यको कामनासहित सम्मानपत्र प्रदान गरेका हुन् । 

साे अवसरमा अंग्रेजी, बिज्ञान र गणित बिषयका बिषय शिक्षक तथा डहु विद्यालयलाई सम्मानपत्र प्रदान गरिएकाे प्रमुख प्रशासकीय अधिकृत श्रेष्ठले जानकारी दिए ।