अर्थतन्त्र

साताकाे सेयर बजारः ९ अर्ब ६६ करोड २६ लाख बढीको काराेबार

काठमाडौँ । आर्थिक वर्ष २०७९/ ८० को पहिलो साता धितोपत्र दोस्रो बजारको कारोबार रकममा कमि आएको छ । यो साता ६ कारोबार दिनमा रू. ९ अर्ब ६६ करोड २६ लाखभन्दा बढीको २ करोड ३२ लाख ६४ हजार १५५ कित्ता धितोपत्र खरीदविक्री भएको छ ।

गत साताको तुलनामा यो साता रू. २८ करोड ३२ लाख ५० हजार बराबरको ४० लाख ६६ हजार ८५२ कित्ता कम धितोपत्र कारोबार भएको हो । कारोबार रकम घटेपनि यो साता नेप्से परिसूचक ८ अंकले बढेको छ । गत साता २ हजार ९ दशमलव ४६ विन्दुमा रहेको नेप्से परिसूचक यो साता २ हजार १७ दशमलव ४६ विन्दुमा बन्द भएको छ ।

यो साता कुल पूँजीकरण गत साताको भन्दा रू. ११ अर्ब ४६ करोड ७८ लाखले बढेको छ । गत साताको अन्तिम कारोबार दिन रू. २८ खर्ब ६९ अर्ब ३४ करोड ४१ लाख रहेको कुल बजारपूँजीकरण यो साताको अन्तिम कारोबार दिन रू. २८ खर्ब ८० अर्ब ८१ करोड २० लाख पुगेको हो ।

गाउँ सहर संवाददाता