स्वास्थ्य

कत्ति पनि लापरबाही नगराैँ, कोरोना महामारी निकट भविश्यमा पनि सकिँदैन: डब्ल्यूएचओ

काठमाडौँ । विश्व स्वास्थ्य संगठन (डब्ल्यूएचओ) ले कोरोना महामारी निकट भविश्यमा समाप्त हुने संकेत नदेखिएको बताएको छ । डब्ल्यूएचओका प्रमुख टेड्रोस गेब्रेससले पत्रकार सम्मेलन गर्दै यस्ताे बताएका हुन् ।

अहिले पनि भाइरस खुलेआम दौडिरहेकाले कुनै पनि बेला अर्को लहर आउनसक्ने उनले चेतावनी समेत दिए । विश्वमा अहिले पनि संक्रमण हुने क्रम जारी रहेको र संक्रमितहरु थपिईरहेको भन्दै उनले स्वास्थ्य प्रणाली र स्वास्थ्यकर्मीहरुमाथि थप दबावको अवस्था दोहोरिन सक्ने बताए ।

भाइरसले जति दबाव दिन्छ उत्ति नै हामीले पनि प्रतिकार गर्नुपर्ने उनकाे भनाइ छ । साथै उनले महामारीको सुरुवाती समयमा भन्दा अहिले विश्व धेरै नै राम्रो अवस्थामा रहेकाे पनि बताएका छन् । तर अहिले पनि लापरवाही गर्ने अवस्था भने नरहेकाे उनले बताए ।

गाउँ सहर संवाददाता

तपाईँको मत