अर्थतन्त्र

एनबी र नबिल बैंककाे सोमबारदेखि एकीकृत कारोबार

काठमाडौँ । एनबी बैंक नबिल बैंकमा एक्विजेशन हुन लागेसँगै सोमबारदेखि एकीकृत कारोबार हुने भएकाे छ । राष्ट्र बैंकले अन्तिम स्वीकृति दिएसँगै दुबै बैंकको सञ्चालक समितिको बैठकले एकीकृत कारोबारको मिति तय गरेको हो । असार ७ गते सम्पन्न दुबै बैंकको विशेष साधारण सभाले एक आपसमा गाभ्ने तथा गाभिने प्रस्ताव पारित थियो । सोमबारदेखि गाभिएर एकीकृत कारोबार हुन लागेको हाे ।

नबिलले एनबी बैंकलाई १००ः४३ शेयर अनुपातमा प्राप्ति गरेको हो । एनबीलाई प्राप्ति गरेसँगै नबिल बैंकको चुक्ता पूँजी २२ अर्ब ८३ करोड पुग्नेछ । 

हाल नबिल बैंकको चुक्ता पुँजी १८ अर्ब ४९ करोड रहेको छ भने एनबीको चुक्ता पुँजी १० अर्ब ८ करोड रहेको छ । १००ः४३ शेयर अनुपातमा एनबीलाई गाभ्दा  नबिल बैंकको चुक्ता पूँजीमा ४ अर्ब २३ करोड रुपियाँ थपिने भएको हो ।

गाउँ सहर संवाददाता

तपाईँको मत