अर्थतन्त्र

मधेश प्रदेशमा खाद्य तथा अन्य बालीले ढाकेको क्षेत्रफलमा ०.१० प्रतिशतले वृद्धि

• गाउँ सहर संवाददाता
• २४ असार शुक्रबार, २०७९ | १०:४३:०० मा प्रकाशित

काठमाडाैँ । नेपाल राष्ट्र बैंकद्वारा सार्वजनिक प्रादेशिक आर्थिक गतिविधि अध्ययन (मधेश प्रदेश) अर्ध–वार्षिक प्रतिवेदन (आ.व.२०७८/७९) ले समिक्षा अवधिमा मधेश प्रदेशमा खाद्य तथा अन्य बालीले ढाकेको क्षेत्रफलमा ०.१० प्रतिशत, तरकारी तथा बागवानीले ढाकेको क्षेत्रफलमा ०.८५ प्रतिशत र फलफूल तथा मसलाले ढाकेको क्षेत्रफलमा १.७९ प्रतिशतले वृद्धि भएको बताएकाे छ ।

उसका अनुसार समिक्षा अवधिमा अध्ययनमा समेटिएका प्रमुख उद्योगहरूको उत्पादन क्षमता उपयोग औसतमा ४९.९२ प्रतिशत रहेको छ । यस्तै घरजग्गा रजिष्ट्रेसन संख्यामा २४.९५ प्रतिशतले वृद्धि भई ८९,६०६ पुगेको छ भने घर जग्गा रजिष्ट्रेशनबाट संकलित राजस्वमा १५१.२२ प्रतिशतले वृद्धि भएको छ ।

प्रदेशमा निर्माणाधीन र निर्माण हुने क्रममा रहेका राष्ट्रिय गौरवका आयोजनाहरूमा निजगढ अन्तर्राष्ट्रिय विमानस्थल आयोजना, पूर्व–पश्चिम रेलमार्ग आयोजना, हुलाकी राजमार्ग, काठमाडौं तराई मधेश द्रुतमार्ग आयोजना र राष्ट्रपति चुरे तराई मधेश संरक्षण कार्यक्रम रहेकाे प्रतिवेदनमा उल्लेख छ ।

प्रादेशिक आर्थिक गतिविधि अध्ययन