गाउँ सहर

सरकारले आइतबार पनि दिँदै आएको विदा हटायाे

• गाउँ सहर संवाददाता
• २३ जेठ सोमबार, २०७९ | १९:०२:०० मा प्रकाशित

काठमाडौँ । सरकारले आइतबार पनि दिँदै आएको साप्ताहिक विदा हटाएको छ । सोमबार बसेको मन्त्रिपरिषद बैठकले असार १ देखि आइतबार साप्ताहिक विदा नदिने निर्णय गरेको अर्थमन्त्री जनार्दन शर्माले जानकारी दिए ।

अब असार १ देखि शनिबार मात्र सार्वजनिक विदा हुने भएको छ ।

गत वैशाख २६ गते बसेको मन्त्रिरिषद बैठकले पेट्रोलियम पदार्थको खपत कम गर्न भन्दै परीक्षणका रुपमा जेठ १ देखि  शनिबार र आइतबार दुई दिन सार्वजनिक विदा दिँदै आएको थियो ।

तर सेवा प्रवाहमा समस्या देखिएको र दूरूपयाेग भन्दै सरकारको उक्त निर्णयको आलोचना भइरहेको थियो ।