प्रतिनिधि सभा

इम्बोस्ड नम्बर जडानमा जबरजस्ती नगरियाेस् : गगन थापा

काठमाडाैं । नेपाली कांग्रेसका महामन्त्री तथा सांसद गगन थापाले इम्बोस्ड नम्बर प्लेट राख्ने निर्णय जवरजस्ती लाद्न खाेज्नु उपयुक्त नभएकाे बताएका छन् । 

साेमबार प्रतिनिधिसभा बैठकमा बाेल्दै सांसद थापाले यातायात मन्त्रालयले साउन १ भित्र सवारी साधनमा इम्बोस्ड नम्बर प्लेट जडान नगरे कारबाही गरिने चेतावनी दिनु उचित नभएकाे बताएका हुन् । 

मन्त्रालयले समस्या समाधान नगरी यातायात मन्त्रालयले साउन १ भित्र सवारी साधनमा इम्बोस्ड नम्बर प्लेट जडान नगरे कारबाही गरिने सूचना निकाल्नु गलत भएकाे बताएका छन् । 

‘यातायात मन्त्रालयले दण्ड र जरिवानाको डर देखाएर नागरिकलाई तर्साउने काम गरेको छ,’ सांसद थापाले भने, ‘जवरजस्तीलाई बन्द गरियोस् होइन भने नागरिकले अवज्ञा गर्छन्। त्यसअघि सरकारले पुनर्विचार गरोस्।’

 

‘नागरिकलाई सास्ती नहोस् । जनशक्ति थपियोस् पूर्वाधार तयार गरियोस्, ।’ बंगलादेश र अमेरिकाको कम्पनीले इम्बोस्ड नम्बर प्लेट जडानको ठेक्का लिएको थियो। १५ महिनामा २५ लाख सवारीमा इम्बोस्ड नम्बर जडान गर्न सम्भव नरहेको पनि थापाले बताए।

गण्डकी र बागमतीको यातायात कार्यालयमा दर्ता सवारी साधनले साउन १ भित्र इम्बोस्ड नम्बर नलिए कारबाही चेतावनी यातायात विभागले दिएको थियो ।

गाउँ सहर संवाददाता

प्रतिकृया दिनुहोस
प्राप्त प्रतिक्रिया
तपाईँको मत