चुनावअघिका र्यापर वालेन्द्र शाह (वालेन) - बिहीबारबाट काठमाडाैँकाे मेयर
- गाउँ सहर संवाददाता
- ११ जेठ बुधबार, २०७९ | २०:३२:०० मा प्रकाशित
काठमाडौँ । "वालेन्द्र शाह अर्थात वालेन, त्यो र्यापर हो । चुनाव त उनले जित्ने होइन तर कांग्रेस एमालेको भोट काट्छ । चुनाव जित्ने त स्थापित ले नै हो ।" भनिँदैथियो चुनाव अघि काठमाडौँलगायतका सहरमा ।
तर भित्रभित्र मतदाताको मन लौरोमै थियो भन्ने धेरै कमले सोचेका थिए । आज तिनै वालेनले जितको औपचारिकता कुरिरहेका छन् ।
उनले भोट माग्दा कसैको विरोध गरेनन्, कसैले उडाउँदा पनि जवाफ फर्काएनन् । सायद यहि गुण नै उनको जितको द्वार भयाे । कहिल्यै ठूला कुरा गरेनन् । र मतदाता उनले गर्छन भन्नेमा ढुक्क पनि देखिएका छन् ।
काठमाडौँ महानगरमा मत परिणामको अन्तिम परिणाम आउने क्रममा छ । वर्तमान परिणामअनुसार स्वतन्त्र उम्मेद्वार वालेन्द्र शाह (वालेन) ले ५७ हजार ३३७ मत प्राप्त गरेका छन् । कांग्रेसकी सिर्जना श्रेष्ठले ३६ हजार २६५ मत ल्याएकी छन् । उता एमालेका केशव स्थापितले ३५ हजार ७२७ मत प्राप्त गरेका छन् ।
काठमाडौँ महानगरपालिका काठमाडौँ जिल्लामा पर्दछ । यस महानगरपालिकामा कूल जनसंख्या ८,४५,७६७ रहेको छ भने कुल मतदाता संख्या ३,००,२४२ रहेको छ । जसमा १,४४,३६३ पुरुष र १,५५,८७८ महिला रहेका छन् । यस महानगरपालिकामा ३२ वडा छन् ।
करिब ५२% अर्थात १ लाख ९१ हजार १८६ मत खसेको काठमाडौँमा करिब १ लाख ७७ हजार मत गनिसकिएको अवस्था छ । यसमा बदर मत उल्लेख छैन । यो हिसावले हेर्ने हो भने वालेन्द शाहको जित भइसकेकाे छ ।
अब बाँकी रहेको १३ हजार ५६७ मतपत्र गनिसकेपछिमात्र औपचारिक घोषणा गरिने निर्वाचन कार्यालयले जनाएको छ । बिहीबार १० बजेसम्म परिणाम आउनसक्ने उनीहरूको भनाइ छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- सुस्ताएकाे शेयरबजारमा ३ अर्ब ६३ करोडकाे काराेबार
- सुस्ताएकाे शेयरबजारमा ३ अर्ब ६३ करोडकाे काराेबार
- सुस्ताएकाे शेयरबजारमा ३ अर्ब ६३ करोडकाे काराेबार
- प्रधानमन्त्रीसँग सांसदहरूको सवाल-जवाफ (लाइभ)
- फेरिए ११ जिल्लाका सीडीओ, अध्यागमन विभागको महानिर्देशकमा निरौला
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
प्रतिकृया दिनुहोस