यी हुन् छात्रामाथि यौन दुर्व्यवहार गरेको आरोपमा पक्राउ परेका सेन्ट लरेन्स कलेजका शिक्षक
- गाउँ सहर संवाददाता
- ११ जेठ बुधबार, २०७९ | १५:४७:०० मा प्रकाशित
काठमाडौं । छात्रामाथि यौन दुर्व्यवहार गरेको आरोपमा चाबहिलस्थित सेन्ट लरेन्स कलेजका एक शिक्षक र कोर्ष को-अर्डिनेटर पक्राउ परेका छन्।
पक्राउ पर्नेमा कलेजका कोर्ष को-अर्डिनेटर काभ्रेपलाञ्चोकको भुम्लु गाउँपालिका–१ स्थायी ठेगाना भइ हाल काठमाडौं कागेश्वरी मनोहरा नगपालिका–८ बस्ने वर्ष ४७ वर्षीय जनार्दन अधिकारी छन्।
यस्तै, कलेजका शिक्षक काठमाडौं कागेश्वरी मनोहरा नगरपालिका–७ का ५१ वर्षीय राजन कुमार पौडेल पनि पक्राउ परेका छन्।
उनीहरूले कलेजमा अध्ययनरत केही छात्रालाई यौन दुर्व्यवहार गरेको भन्दै विद्यार्थी आन्दोलित बनेका थिए। पीडित नाबालिकाहरूका अभिभावकले समेत मंगलबार यस विषयमा प्रहरी वृत्त गौशालामा जाहेरी दिएका थिए।
जाहेरी दर्ता गरी पीडित नाबालिकाहरुको विस्तृत स्वास्थ्य परीक्षण समेत भइसकेको प्रहरीले जनाएको छ। त्यसपछि फरार रहेका अधिकारी र पौडेलको खोजीमा रहेको प्रहरीले उनीहरूलाई पक्राउ गरि कारबाही अघि बढाएको छ।
अधिकारी र पौडेलउपर मुलुकी अपराध (संहिता) ऐन, २०७४ को परिच्छेद-१८ को दफा २२५ को बाल यौन दुरुपयोग गर्न नहुने सम्बन्धी कसूर मुद्दामा काठमाडौं जिल्ला अदालतबाट ५ दिनको म्याद थप अनुमति लिई प्रहरी वृत्त गौशालाबाट थप अनुसन्धान भइरहेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिए।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आईसीसी विश्वकप लिग टूको त्रिदेशीय सिरिज अन्तर्गत नेपालकाे दोस्रो खेलमा हार
- दोलखा मतगणनामा माओवादी केन्द्रका गंगा कार्कीले लिए पुन:अग्रता
- नेपाली सेनाको वानटन गाडी दुर्घटनामा, १५ जना घाइते
- स्कटल्यान्डसँगकाे खेलमा नेपाल १३७ रनमै समेटियाे
- सम्पदा क्षेत्र अवलोकन गर्न “विशेष बस”, अङ्ग्रेजी नयाँ वर्षदेखि सञ्चालनमा
- कांग्रेसले निर्वाचनमा अन्तरघात गर्नेहरुको सूची माग्याे
- अन्तिम चरणमा पुगेको समानुपातिक तर्फको गणनामा कसले कति पाए ?
- दोलखा प्रदेश सभा-१ बाट कुन्दनराज काफ्ले निर्वाचित
- काठमाडौंको इन्द्रचोकमा चिनियाँ नागरिकबीच विवाद हुँदा चक्कु प्रहार, दुई चिनियाँ घाइते
- पछिल्लो २४ घण्टामा देशभर ६ जनामा कोभिड-१९ को संक्रमण पुष्टि
प्रतिकृया दिनुहोस