राजनीति

काठमाडौंको मेयरमा जोशीको पहिलो उम्मेदवारी दर्ता

• गाउँ सहर संवाददाता
• ११ बैशाख आइतबार, २०७९ | १२:२७:०० मा प्रकाशित

काठमाडाैं । काठमाडौं महानगरपालिकाको प्रमुखका लागि पहिलो उम्मेदवारी दर्ता भएको छ ।

निर्वाचन आयोगले मनोनयन दर्ता सुरू गरेसँगै राष्ट्रिय यथार्यवादी पार्टी नेपालले उम्मेदवारी दर्ता गराएको हो । पार्टीका तर्फबाट आनन्दराज जोशीले उम्मेदवारी दर्ता गराएका हुन् ।

निर्वाचन आयोगले  आज र भोलि दुई दिन उम्मेदवारी दर्ताको समय तोकेको छ । आज बिहान १० बजेदेखि उम्मेदवारी दर्ता गर्न सुरू गरिएको निर्वाचन आयोगले जनाएको छ ।देशभरका ७५३ वटै स्थानीय तहमा उम्मेदवारी दर्ता गर्न थालिएको निर्वाचन आयोगका प्रवक्ता शालिग्राम शर्मा पौडेलले बताए ।

गत निर्वाचनमा एकै दिन उम्मेदवारी दर्ता गर्न समय अपुग भएकाले यस पटक दुई दिन दिइएको आयोगले जनाएको छ । 

उनले  राष्ट्रिय यथार्थवादी पार्टी नेपालबाट उम्मेदवारी दर्ता गराएका हुन् । ३७ वर्षीय जोशीले सरोज शाहीको प्रस्ताव र सरला शाहीको समर्थनमा उम्मेदवारी दर्ता गराएका हुन् ।

जोशी काठमाडौं महानगरपालिका-१९ निवासी हुन् ।