राजनीति

सत्ता गठबन्धनको बैठक पुन : सर्‍यो

काठमाडाैं । पाँच दलीय सत्ता गठबन्धनको मंगलबार बिहान साढे ११ बजे तय भएको बैठक दिउँसो २ बजेसम्मकाे लागि स्थगित भएको छ ।

प्रधानमन्त्री एवम् काँग्रेस सभापति शेरबहादुर देउवाका प्रेस प्रमुख गाेविन्द परियारले प्रधानमन्त्रीकाे अन्य कार्यक्रम परेकाले बैठक दिउँसो २ बजे सरेकाे जानकारी दिएका छन् ।

गठबन्धनको साेमबार बसेकाे बैठकले वैशाख ३० गते हुने स्थानीय निर्वाचनमा चुनावी तयारी, तालमेललगायतका विषयमा भएको सहमतिलाई अन्तिम रुप दिइने बताएको थियाे ।

महानगरपालिका र उपमहानगरपालिकाबारे हिजाे नै टुंगाे लगाइने बताइए पनि बैठकमा कुनै निष्कर्ष निस्कन सकेकाे थिएन ।

बैठकमा नेकपा माओवादी केन्द्रका अध्यक्ष पुष्पकमल दाहाल 'प्रचण्ड', नेकपा एकीकृत समाजवादीका अध्यक्ष माधवकुमार नेपाल र जनता समाजवादी पार्टी र गठबन्धन दलका शीर्ष नेताहरु सहभागी हुँदै आएका छन् ।

गाउँ सहर संवाददाता

प्रतिकृया दिनुहोस
प्राप्त प्रतिक्रिया
तपाईँको मत