गाउँ सहर

टिपरले ठक्कर दिँँदा बाेलेराे चालककाे मृत्यु

• गाउँ सहर संवाददाता
• १८ चैत शुक्रबार, २०७८ | १२:४१:०० मा प्रकाशित

काठमाडाैं । टिपरले ठक्कर दिँँदा बाेलेराे चालककाे मृत्यु भएकाे छ । सप्तरीको खडक नगरपालिका-५ रंजितपुर सडकखण्डमा टिपरले ठक्कर दिँँदा बाेलेराे चालककाे मृत्यु भएकाे हाे । मृत्यु हुनेमा बोदेबर्साइन नगरपालिका–५ का २६ वर्षीय शिवराज यादव रहेकाे प्रहरीले जानकारी दिएकाे छ । 

प्रहरीका अनुसार पूर्व पश्चिम राजमार्गअन्तर्गत पूर्वतर्फ आउँदै गरेको विद्युत् कार्यालय बोदेबर्साइन सप्तरीको प्रदेश २–०१–००१ च ०३३४ नम्बरको बोलेरोलाई बिहीवार साँझ पछाडिबाट ना ७ ख २६५८ नम्बरको टिपरले ठक्कर दिँदा  यादवको मृत्यु भएको हो ।

दुर्घटनामा  गम्भीर घाइते भएका यादवलाई उपचारको लागि अस्पतालतर्फ ल्याउने क्रममा मृत्यु भएको प्रहरीले जनाएकाे छ । 

दुर्घटनामा घाइते  भएका अन्य बोदेबर्साइन नगरपालिका –१० का ३० वर्षीय शैलेश यादव, सोही ठाउँका ३० वर्षीय महेश चौधरी, वडा नम्बर ५ का २६ वर्षीय बृजेश कुमार यादव, ३० वर्षीय जयशंकर साह र सिरहाको लहान नगरपालिका –८ का ३५ वर्षीय अरुण कुमार सिंहको उपचार भइरहेको प्रहरीको भनाइ रहेको छ ।

टिपर र टिपर चालकलाई नियन्त्रणमा लिएर थप अनुसन्धान भइरहेको प्रहरी बताएकाे छ ।