'भ्युटावर' मात्रै हाेइन अन्तरिक्षमासमेत आफ्नो स्पेस कायम गरेका छाैं : ओली
- गाउँ सहर संवाददाता
- १५ चैत मंगलबार, २०७८ | १३:१४:०० मा प्रकाशित

काठमाडौं । विकासको नाममा अनावश्यक 'भ्युटावर' बनाउने काम भइरहेको भन्दै सार्वजनिक रुपमा आलोचना भइरहेको बेला नेकपा एमालेका अध्यक्ष केपी शर्मा ओलीले गाउँगाउँमा विकासको बेग्लै अभियान थालेको बताएका छन् ।
मंगलबार तिलोत्तमा नगरपालिकाको व्यवसायिक बहुउद्देश्यीय भवन (भ्युटावर) उद्घाटन समारोहमा सम्बोधन गर्दै ओलीले आफ्नो पार्टीको सरकारले नै 'भ्युटावर' बनाउने साेचकाे विकास गरेकाे प्रष्ट पारे ।
'एमालेकाे सरकार नबनेको भए 'भ्युटावर' बनाउने सोच आउने नै थिएन । यतिको भ्युटावर बनाउने र यहाँ लिफ्ट राख्ने सोच साधारणयता भन्ने हो भने आउने थिएन। किनभने विकास सम्बन्धी अवधारणा आएको हुनाले त्यो अवधारणालाई अगाडि बढाउँदा स्वभाविक रुपमा यी कुराहरु भए ओलीले भने ।
ओलीले 'भ्युटावर' यस सम्बन्धी अवधारणको अपनत्व लिएका हुन् ।
उनले २०५१ सालमा एमालेको सरकार बन्दाखेर हामीले 'आफ्नो गाउँ आफैं बनाऔँ' अभियान लगेर गाउँगाउँमा विकासको बेग्लै अभियान थालेको बताए । पछिल्लो पटक सरकारको नेतृत्व गरेको तीन वर्षमा विकासका लागि अन्तरिक्षमा आफ्नो स्पेस कायम गर्नेदेखि समुद्रमा अधिकार स्थापित गरिएको उनले बताए ।
ओलीले एमाले नेतृत्वको तीनवर्षे सरकारले अघि सारेका विकास पूर्वाधार पूर्णबन्दै गएकाले विरोधीहरूलाई छटपटाहट भएको बताएका छन् ।
रुपन्देहीको तिलोत्तमामा बनेको १० तले भ्यूटावरको उद्घाटन गर्दै ओलीले भने, ‘एमाले सरकारमा नभएको भए यस्ता काम कति वर्ष झुल्ने थिए हामी सबैलाई थाहा छ, चुनाव आउँदैछ एमाले नेतृत्वमा आएपछि के के भयो त्यो जनमानसमा लैजाऔं, आत्तिएकाहरू अरु छटपटाउछन् सर्वसाधारणलाई यथार्थ विषय पुर्याऔं ।’

गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आज सरकारको नीति तथा कार्यक्रम निर्णयार्थ प्रस्तुत गरिँदै
- गाउँ सहर डट कमका पौडेल लेखनाथ पत्रकार मञ्चको अध्यक्षमा सर्वसम्मत
- भारत–पाकिस्तानबीच युद्धविराम, सैन्य कारबाही रोक्न सहमत
- पाकिस्तानसँगको तनावले नेपालको आपूर्तिमा समस्या हुँदैन - भारत
- देशभरीका खानेपानी आयोजनालाई उच्च प्राथमिकतामा राखेर बजेट विनियोजन हुन्छ : मन्त्री यादव
- निर्माण गर्दागर्दै भत्कियो रामेछापमा पुल
- लायन्स क्लब ३२५ 'ई' को डिष्ट्रिक्ट क्याबिनेट सेक्रेटरीमा पाेखरेल, ट्रेजररमा र चाैलागाईँ
- पाकिस्तानमा रहेका नेपालीको सुरक्षाप्रति नेपाल सरकार गम्भीर: परराष्ट्र मन्त्रालय
- संसदमा नीति तथा कार्यक्रममाथि छलफल सकिँदै (लाइभ)
- नीति तथा कार्यक्रममाथिको छलफल आज अन्तिम दिन
प्रतिकृया दिनुहोस