गाउँ सहर

मोटरसाइकल दुर्घटनामा प्रहरी जवानकाे मृत्यु

• गाउँ सहर संवाददाता
• १३ चैत आइतबार, २०७८ | १३:५६:०० मा प्रकाशित

काठमाडाैं । मोटरसाइकल अनियन्त्रित भएर पल्टँदा एक प्रहरी कर्मचारीको मृत्यु भएको छ । ललितपुरको सानेपामा मोटरसाइकल अनियन्त्रित भएर पल्टँदा एक प्रहरी कर्मचारीको मृत्यु भएको हाे । एकजना गम्भीर घाइते छन् ।

मृत्यु हुनेमा धादिङ घर भई हाल महानगरीय प्रहरी वृत्त चापागाउँमा कार्यरत प्रहरीजवान नवीन न्यौपाने रहेका छन् । दुर्घटनामा गम्भीर घाइते भएका उनको उपचारका क्रममा सानेपास्थित स्टार अस्पतालमा गए राति सवा २ बजे मृत्यु भएको प्रहरीले जानकारी दिएकाे छ । 

प्रहरीका अनुसार घाइते तनँहुको आँबुखैरेनी घर भई हाल महानगरीय प्रहरी वृत्त सातदोबाटोमा कार्यरत प्रहरीजवान सुमनकुमार सिंहको सोही अस्पतालमा उपचार भइरहेको छ ।

न्यौपाने र सिंह सवार बा८३प ८९८५ नम्बरको मोटरसाइकल गए राति करिब सवा १ बजे नियन्त्रण गुमाएर पल्टिएको प्रहरीले जनाएकाे छ ।