गाउँ सहर

माेटरसाइकल दुर्घटनामा चालकसहित दुई जनाकाे निधन

काठमाडाैं । माेटरसाइकल दुर्घटनामा दुई जनाकाे निधन भएकाे छ । काठमाडौँको चोभारमा टाटा सुमो गाडीको ठक्करबाट मोटरसाइकलमा यात्रा गरिरहेका दुई युवकको निधन भएकाे हाे ।

टाटा सुमोले मोटरसाइकललाई ठक्कर दिँदा दुई युवकको निधन भएकाे प्रहरीले जानकारी दिएकाे छ । 

प्रहरीका अनुसार ना १ ज ६३५४ नम्बरको टाटा सुमोले  पल्सर बाइकलाई ठक्कर दिँदा मोटरसाइकलमा सवार दुई जना सख्त घाइते भएका थिए । उनीहरुलाई बल्खुस्थित वयोधा अस्पताल लगिएकामा चिकित्सकले मृत घोषणा गरेका थिए । त्यस्तै, टाटा सुमोमा यात्रा गरिरहेका दुई जना पनि घटनामा घाइते भएका छन् । 

मृत्यु हुनेमध्ये एक जना नागार्जुन नगरपालिका बस्ने समीर गिरी भए पनि अर्काको पहिचान खुलिसकेको छैन । टाटा सुमोले ठक्कर दिँदा मोटरसाइकल सडकभन्दा करिब २५ मिटर तल खसेको प्रहरीले जनाएकाे छ । 

घटनाका सम्बन्धमा थप अनुसन्धान भइरहेकाे प्रहरीले बताएकाे छ । 

गाउँ सहर संवाददाता