राजनीति

कांग्रेस पदाधिकारी बैठकमा देउवा अनुपस्थित

 काठमाडाैं । कांग्रेसको भ्रातृ संस्थाको विधान टुंग्याउनको लागि कांग्रेस पदाधिकारी बैठक पार्टी कार्यालय सानेपामा बसिरहेको छ । तर पदाधिकारी बैठकमा कांग्रेस सभापति शेरबहादुर देउवा भने अनुपस्थित छन् । पदाधिकारीको बैठकले हालसम्म दलित संघको विधान टुंग्याएको छ ।

बैठकमा किसान संघ, महिला संघ, प्रजातान्त्रिक सेनानी संघ र सांस्कृतिक संघको विधानबारे छलफल भइरहेको महामन्त्री विश्‍वप्रकाश शर्माले जानकारी दिएका छन् । 

शर्माका अनुसार बाँकी रहेका भ्रातृ संस्थाको विधान दुई/तीन दिनमा टुंगिनेछ ।

बैठकमा उपसभापतिद्वय पूर्णबहादुर खड्का र धनराज गुरुङ, महामन्त्रीद्वय गगन थापा र विश्वप्रकाश शर्मा सहभागी छन् । आठ सह-महामन्त्रीमध्ये उमाकान्त चौधरी भने सहभागी भएका छैनन् ।

गाउँ सहर संवाददाता

तपाईँको मत