वातावरण

शिवरात्रीकाे दिन पानी पर्छ ? कस्ताे छ माैसमी पूर्वानुमान ?

 

काठमाडाैं । आज महाशिवरात्री पर्व । हरेक बर्ष फागुन कृष्ण पक्षको त्रयोदशी तिथिको रातमा शिवरात्री व्रतको नियम रहिआएको छ । जुन तिथिमा शिवरात्री पर्दछ उक्त तिथि नै शिवजीको हो ।  शिव पानीमा बस्न मनपराउने भएकाले पनि शिवरात्रीको दिन पानी पर्ने गर्दछ भन्ने मान्यता रहँदै आएकाे छ । 

आफ्नो निवास जलमानै बनाउन रमाउने शिवजी जहाँ जहाँ उपस्थिति हुन्छन्, त्यस स्थानमा पानीको वर्षा हुने पुराणहरुमा उल्लेख गरिएको छ ।

यस्ताे छ माैसम महाशाखाकाे पूर्वानुमान

हाल देशमा उल्लेखनीय मौसमी प्रणाली छैन। देशको पहाडी भू-भागमा आंशिक बदली तथा अन्य भू-भागमा मौसम सामान्यतया सफा रहेको छ।

मंगलबार देशको पहाडी भू-भागमा आंशिक बदली तथा अन्य भू-भागमा मौसम सामान्यतया सफा रहनेछ। प्रदेश १, गण्डकी प्रदेश तथा सुदूरपश्चिम प्रदेशको पहाडी भू-भागको एक वा दुई स्थानमा हल्का वर्षाको सम्भावना रहेको छ । 

बुधबार देशको पहाडी भू-भागमा आंशिक देखि सामान्य बदली तथा अन्य भू-भागमा मौसम सामान्यतया सफा रहनेछ। प्रदेश १, बागमती प्रदेश र गण्डकी प्रदेशको पहाडी भू-भागको थोरै स्थानमा साथै कर्णाली प्रदेश तथा सुदूरपश्चिम प्रदेशको पहाडी भू-भागको एक वा दुई स्थानमा मेघगर्जन/चट्याङ्ग सहित हल्का वर्षाको सम्भावना रहेको छ ।

गाउँ सहर संवाददाता

तपाईँको मत