अर्थतन्त्र

नेप्सेमा उच्च अंकको गिरावट, ३ अर्ब ६६ करोडको कारोबार

• गाउँ सहर संवाददाता
• १६ फाल्गुण सोमबार, २०७८ | १५:१४:०० मा प्रकाशित

काठमाडाैं । नेप्सेमा साताको कारोबारको दोस्रो दिन सोमबार उच्च अंकको गिरावट आएको छ ।  आज नेप्से ४३.१० अंकले घटेर दुई हजार ६ सय १० दशमलब ६० विन्दुमा रोकिएको हो । आइतबार नेप्से ७.७३ अंकले घटेर दुई हजार ६ सय ५३ दशमलब ७० विन्दुमा रोकिएको थियो ।  

आज शेयर बजार घटेपनि कारोबार रकममा भने सामान्य सुधार देखिएको छ । आज ३ अर्ब ६६ करोड एक लाख बराबरको कारोबार भएको नेप्सेले जनाएकाे छ । आइतबार ३ अर्ब २७ करोड २७ लाख बराबरको कारोबार भएको थियो । 

नेप्सेका अनुसार आज कारोबार भएका धेरैजसो कम्पनीहरु घटेका छन् । यसमध्ये दुई कम्पनीको शेयरमूल्यमा उच्च गिरावट आएको छ । शेयरमूल्य घट्ने कम्पनीहरुमा हिमालयन तेह्रथुम पावर कम्पनी  र सामलिङ पावर कम्पनी रहेको छ । यी कम्पनीको शेयरमूल्य १० प्रतिशतले घटेको छ ।

कारोबारको आधारमा आज सबैभन्दा बढी अपी पावर कम्पनीको भएको छ । यस कम्पनीको आज १६ करोड ९ लाख भन्दा बढीको कारोबार भएको नेप्सेले बताएकाे छ ।