काँग्रेस पदाधिकारी बैठक बस्दै, यस्ता छन् एजेन्डा
- गाउँ सहर संवाददाता
- ११ फाल्गुण बुधबार, २०७८ | १२:५९:०० मा प्रकाशित
काठमाडाैं । कांग्रेसको पदाधिकारी बैठक आज बस्दैछ । सानेपास्थित पार्टी केन्द्रीय कार्यालयमा दिउँसो १ बजे बैठक बस्ने सहमहामन्त्री बद्री पाण्डेले जानकारी दिएका छन् ।
उनका अनुसार बैठकमा पार्टीका भ्रातृ संघ तथा शुभेच्छुक संस्थाको विधानमाथि छलफल हुनेछ । केन्द्रीय सदस्य एनपी साउद नेतृत्वको समितिले तयार पारेको ड्राफ्ट भ्रातृ संघ तथा शुभेच्छुक संस्थाका विधानको रूपमा पारित भइसकेपछि पदाधिकारी बैठकमा छलफल भइरहेको छ ।
पदाधिकारी बैठकमा छलफल गरेर विधानमाथि सुझाव दिने सहमहामन्त्री पाण्डेले जनाए ।
केही दिनदेखि जारी छलफलमा दलित संघ, महिला संघलगायत ६ वटा भ्रातृसंघको विधानमाथि छलफल गरेर सुझाव छ । पार्टीको केन्द्रीय समिति बैठकमा उठेका सुझावलाई समावेश गरेर विधान पारित भइसकेको हो ।
कांग्रेसले म्याद सकिएका सबै भ्रातृ तथा शुभेच्छुक संस्थाको महाधिवेशन गर्न विधान तयार पारेर पदाधिकारी बैठकमा छलफल भइरहेको छ ।
कांग्रेसले भ्रातृ संघ तथा शुभेच्छुक संस्थाको अधिवेशन विधानअनुसार गर्न नसक्दा आलोचना हुँदै आएको छ भने भ्रातृसंघले गति लिन नसक्दा ऊर्जाहीन भएका छन् ।
पार्टीको १४औ महाधिवेशनमार्फत शेरबहादुर देउवा सभापतिमा दोहोरिएपछि म्याद गुज्रिएका सबै भ्रातृ तथा शुभेच्छुक संघको अधिवेशन गर्ने कांग्रेसले तयारी गरेको छ ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- आईसीसी विश्वकप लिग टूको त्रिदेशीय सिरिज अन्तर्गत नेपालकाे दोस्रो खेलमा हार
- दोलखा मतगणनामा माओवादी केन्द्रका गंगा कार्कीले लिए पुन:अग्रता
- नेपाली सेनाको वानटन गाडी दुर्घटनामा, १५ जना घाइते
- स्कटल्यान्डसँगकाे खेलमा नेपाल १३७ रनमै समेटियाे
- सम्पदा क्षेत्र अवलोकन गर्न “विशेष बस”, अङ्ग्रेजी नयाँ वर्षदेखि सञ्चालनमा
- कांग्रेसले निर्वाचनमा अन्तरघात गर्नेहरुको सूची माग्याे
- अन्तिम चरणमा पुगेको समानुपातिक तर्फको गणनामा कसले कति पाए ?
- दोलखा प्रदेश सभा-१ बाट कुन्दनराज काफ्ले निर्वाचित
- काठमाडौंको इन्द्रचोकमा चिनियाँ नागरिकबीच विवाद हुँदा चक्कु प्रहार, दुई चिनियाँ घाइते
- पछिल्लो २४ घण्टामा देशभर ६ जनामा कोभिड-१९ को संक्रमण पुष्टि
प्रतिकृया दिनुहोस