एमसीसी विषयमा छलफल गर्न सत्ता गठबन्धनको बैठक बस्दै
- गाउँ सहर संवाददाता
- ८ फाल्गुण आइतबार, २०७८ | ०६:४२:०० मा प्रकाशित
काठमाडाैं । सत्ता गठबन्धन दलहरूको बैठक आज आइतबार पनि बस्दै छ । अमेरिकी अनुदान सहायता एमसीसीलाई संसद्मा अनुमोदनका लागि प्रतिनिधि सभामा टेबल गर्ने विषयमा सहमति जुटाउन सत्तारुढ गठबन्धनको बैठक विहान बस्न लागेकाे हाे ।
यस बैठकले एमसीसी संसदमा पेस गर्ने कि नगर्ने भन्ने विषयमा साझा धारणा तय गर्ने छ ।
प्रधानमन्त्री तथा नेपाली कांग्रेसका सभापति शेरबहादुर देउवा आज बस्ने प्रतिनिधि सभा बैठकमा एमसीसी टेबल गर्ने पक्षमा छन् ।
तर संसद् सुचारु गरेपछि तथा दलहरुबीच सहमति भएपछि मात्र यसलाई टेबल गर्नुपर्ने अडानमा माओवादी केन्द्रका अध्यक्ष पुष्पकमल दाहाल र एकीकृत समाजवादीका अध्यक्ष माधवकुमार नेपाल छन् । अर्को घटक जसपाका सङ्घीय परिषद् अध्यक्ष डा. बाबुराम भट्टराईले भने संसद्बाट तत्काल एमसीसी अनुमोदन गर्नुपर्ने बताउँदै आएका छन् ।
साझा धारणा बनाउने प्रयासमा यसअघि पटक-पटक बसेका सत्ता गठबन्धनको बैठक निष्कर्षविहीन हुँदै आएका थिए । गत शुक्रबार बसेको गठबन्धनको बैठकपछि सरकारका प्रवक्ता एवम् सञ्चारमन्त्री ज्ञानेन्द्रबहादुर कार्कीले आइतबारको बैठक निर्णायक हुने बताएका थिए ।
अमेरिकी सरकारले नेपालको संसदबाट एमसीसी पास गर्न यही फागुन १६ गतेसम्मको समयसीमा दिएको छ । त्यसैले सरकार दबावमा छ । तर सत्ता साझेदार दलहरू एमसीसीको विषयमा विभाजित भएकाले साझा धारणा बन्ने सम्भावना कम छ ।
बिहीबार साँझ प्रतिपक्षी दल नेपाल कम्युनिष्ट पार्टी (एमाले)का अध्यक्ष केपी शर्मा ओलीसँग छलफल गरी प्रधानमन्त्री देउवाले संसद्को गतिरोध अन्त्य गरी एमसीसी अनुमोदन प्रक्रिया अघि बढाउन आग्रहसमेत गरेका थिए ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- खेलकुद महोत्सव औपचारिक समापन शुक्रबार
- बडस्, ज्ञान ज्योति, के एम ए र नेशनल क्रियशन भलिबलको फाइनलमा
- आठ निर्माण व्यवसायी र आपूर्तिकर्ता कम्पनीलाई दोस्रोपटक स्पष्टीकरण माग
- चलखेल भएको भन्दै राष्ट्रिय स्वतन्त्र पार्टीको केन्द्रीय कार्यालयमा धर्ना
- अटो मोवाइल्स व्यवसायीहरुकाे प्रदर्शन : माइतीघर मण्डलामा राष्ट्र बैंकको विरोध
- दोलखाबाट बैंकिङ कसुर मुद्दाका फरार प्रतिवादी पक्राउ
- सुनचाँदी बजारमा आज छापावाल सुनको मूल्य कति ?
- शुक्रबार दिउँसो १ बजेका लागि एमालेले सचिवालय बैठक बोलायाे
- कति छ त राष्ट्र बैंकले बिहीबार सार्वजनिक गरेको विदेशी विनिमय दरभाउ ?
- नवलपुरमा सवारी दुर्घटना हुँदा १७ जना घाइते
प्रतिकृया दिनुहोस