स्वास्थ्य

१२ देखि १७ वर्ष उमेरका विद्यार्थीलाई आजदेखि फाइजरको दोस्रो मात्रा खोप

काठमाडौं । काठमाडौं महानगरपालिकामा आजदेखि आउँदो फागुन ५ गतेसम्म कोरोनाविरुद्धको फाइजर खोपको दोस्रो डोज लगाइँदै छ ।

१२ वर्षदेखि १७ वर्ष उमेरका विद्यार्थीले आजदेखि फागुन ५ गतेसम्म फाइजरको दोस्रो मात्रा खोप लगाउन पाउने भएका हुन् ।

शनिबारबाहेक अन्य दिनमा बिहान १० बजेदेखि अपरान्ह ४ बजेसम्म खोप लगाउन पाइनेछ ।

पहिलो मात्राको खोप लगाइसकेका १२ देखि १७ वर्ष उमेर समूहका सबै बालबालिकालाई कोरोनाविरूद्ध दोस्रो मात्रा खोप दिन लागिएको महानगरले जानकारी दिएको छ ।

काठमाडौं महानगरका ३२ वटै वडामा रहेका निश्चित विद्यालयहरूलाई खोप केन्द्र तोकिएको छ ।

स्वास्थ्य सुरक्षााको मापदण्ड पूरा गरी खोप लगाउने व्यवस्था गर्न पनि विद्यालयहरूलाई अनुरोध गरिएको छ ।

खोप लगाउनका लागि वडास्थित सामुदायिक सहरी स्वास्थ्य क्लिनिकमा सम्पर्क गरेर खोप केन्द्र तोकिएका विद्यालयमा जान महानगरका शिक्षा अधिकारी रामप्रसाद सुवेदीले आग्रह गरेका छन् ।

गाउँ सहर संवाददाता