शेयरबजारका कुरा : काराेबार रकम बढ्याे, नेप्से दाेहाेराे अंकले घट्याे

अर्थतन्त्र

काठमाडौं । साताको अन्तिम दिन बिहीबार नेपाल स्टक एक्सचेञ्ज (नेप्से) घटेकाे छ । नेप्से दाेहाेराे अंकले घटेपनि काराेबार रकमभने बढेकाे छ ।

यसदिन नेप्से सूचक १४.५८ अंकले घटेर परिसूचक २८७६.७५ बिन्दुमा रोकिएको छ । घटेकाे बजारमा दुई कम्पनीको शेयरमूल्यमा सकारात्मक सर्किट लागेकाे छ ।

बिहीबार २२४ कम्पनीको १ करोड ५७ लाख ८० हजार ७१३ कित्ता सेयर ८ अर्ब ६१ करोड २१ लाख ७४ हजार १६२ रुपैयाँको सेयर किनबेच भएको छ ।

आज वीन नेपाल लघुवित्त वित्तीय संस्था र बुद्धभुमि नेपाल हाइड्रोपावर कम्पनीकाे शेयर मूल्यमा सकारात्मक सर्कित लागेकाे छ ।

त्यस्तै, आरएउमडीसी लघुवित्त वित्तीय संस्थाको र पोखरा फाइनान्सको शेयरमूल्यमा सर्वाधिक गिरावट आएको छ । यसको शेयरमूल्य ३ प्रतिशत भन्दा बढीले घटेको छ ।

कारोबारको आधारमा आज सबैभन्दा बढी अरुण भ्याली हाइड्रोपावर कम्पनीको भएको छ । यस कम्पनीको आज ८२ करोड ७० लाख भन्दा बढीको कारोबार भएको छ ।