गाउँ सहर

प्रहरीद्वारा १० जुवाडे नियन्त्रणमा

• गाउँ सहर संवाददाता
• २८ पौष बुधबार, २०७८ | १४:०४:०० मा प्रकाशित

 काठमाडाैं । प्रहरीले तास खेलिरहेकाे अवस्थामा १० जनालाइ पक्राउ गरेकाे छ । बर्दियाको बाँसगढी नगरपालिका ७ बड्की देउडास्थित ३४ वर्षीय दुलीचन थारुको घरबाट जुवातास खेलिरहेको अवस्थामा दुलीचन लगायत १० जनालाई मंगलबार बिहान प्रहरीले पक्राउ गरेको हाे । दुलीचनको घरमा जुवातास खेलिरहेको भन्ने सूचनाको आधारमा ईलाका प्रहरी कार्यालय मोतिपुरबाट खटिएको प्रहरीले उनीहरूलाई नगद १ लाख ८२ हजार ४ सय ५० रुपैयाँ सहित पक्राउ गरेको जनाएकाे छ । 

नवलपरासी (पूर्व), कावासोती नगरपालिका १३ पिठौलीस्थित डिल कुमारी गुरुङले संचालन गरेको खाजा घरमा तास खेलिरहेको अवस्थामा सोही ठाउँ बस्ने ३७ वर्षीय अजय लामा लगायत ५ जनालाई मंगलबार राति प्रहरीले पक्राउ गरेको जानकारी दिएकाे छ । उक्त खाजा घरमा जुवातास खेलिरहेको भन्ने खबर प्राप्त हुनासाथ जिल्ला प्रहरी कार्यालय नवलपरासी (पूर्व) बाट खटिएको प्रहरीले उनीहरुलाई नगद २४ हजार ७ सय १५ रुपैयाँ र ३ बुक तास सहित पक्राउ गरेको हो । 

यस सम्बन्धमा प्रहरीले थप अनुसन्धान गरिरहेको बताएकाे छ ।