गाउँ सहर

ट्याक्टरको ठक्करबाट एक विद्यार्थीको मृत्यु

 

काठमाडाैं । ट्याक्टरको ठक्करबाट एक विद्यार्थीको मृत्यु भएको छ । मोरङको उर्लाबारीमा आज बिहान ट्याक्टरको ठक्करबाट एक विद्यार्थीको मृत्यु भएको हाे ।

उर्लाबारी नगरपालिका – ३ पूर्वपश्चिम राजमार्गस्थित सोल्टी पुलमा बिहान  साढे पाँच बजे ट्याक्टरले ठक्कर दिँदा उर्लाबारीस्थित नेपाल दर्शन कलेजमा अध्ययनरत विद्यार्थी निश्चल बानियाँको घटनास्थलमै मृत्यु भएको प्रहरीले जानकारी दिएकाे छ ।

प्रहरीका अनुसार पूर्वबाट पश्चिम जाँदै गरेको को २ त ८२९६ नम्बरको ट्याक्टरले विपरीत दिशाबाट आउँदै गरेको प्रदेश १ - ०१०१२ प ७१५२ नम्बरको मोटरसाईकललाई  ठक्कर दिँदा उर्लाबारी ७ का २१ वर्षीय बानियाँको मृत्यु भएको हो ।

ठक्कर दिने ट्याक्टर र त्यसका चालक मोरङको मिक्लाजुङ गाउँपालिका – ६ का १९ वर्षीय मोहन तामाङलाई  प्रहरीले नियन्त्रणमा लिएको बताएकाे छ ।

गाउँ सहर संवाददाता