पूर्वाधार

अष्ट्रेलिया पढ्न जान चाहनेहरूका लागि क्याम्ब्रिज इन्ष्टिच्युट अफ टेक्नोलोजीकाे २५ दिने ‘अष्ट्रेलियन एड्मिसन मन्थ- २०२२’

• गाउँ सहर संवाददाता
• २५ पौष आइतबार, २०७८ | ०८:५२:०० मा प्रकाशित

काठमाडाैं । क्याम्ब्रिज इन्ष्टिच्युट अफ टेक्नोलोजी 'अष्ट्रेलियन एड्मिसन मन्थ- २०२२' को आयोजना गरेको छ ।

विदेश अध्ययन गर्न जान चाहने विद्यार्थीहरुलाई गुणस्तरिय शैक्षिक परामर्श सेवा प्रदान गर्दै आईरहेको इन्ष्टिच्युट अफ टेक्नोलोजीले यहि जनवरी ८ तारिखदेखि ३१ तारिख सम्ममा बागबजारमा अवस्थित क्याम्ब्रिज इन्ष्टिच्युट अफ टेक्नोलोजीको प्राङ्गणमा अष्ट्रेलियन एड्मिसन मन्थ २०२२ को आयोजना गरेको हाे ।

त्यसका लागि अष्ट्रेलियाका बिभिन्न कलेजका प्रतिनिधि जनवरी ८  देखि ३१ तारिखसम्म अष्ट्रेलिया पढ्न जाने चाहने विद्यार्थी तथा बुझ्न चाहने अभिभावकलाई आवश्यक परामर्श, सल्लाह सुझाव दिइनुका साथै जिज्ञासाको समाधान गरिने क्याम्ब्रिज इन्ष्टिच्युट अफ टेक्नोलोजीका संस्थापक निर्देशक शिशिर सिंखडाले गाउँसहरलाई जानकारी दिए ।

लामो समयसम्म कोभिडका कारणले आफना अन्तराष्ट्रिय सीमाना बन्द गरेको अष्ट्रेलियाले गत डिसेम्बर १५ देखि कोभिड बिरुद्धको पुरा डोज खोप लगाएका अन्तराष्ट्रिय विद्यार्थीका लागि आफना सीमान पुनः सुचारु गरेसँगै नेपाली विद्यार्थीका लागि पनि उपयुक्त गन्तब्य भएकाे निर्देशक सिंखडाले बताए ।

महामारी अझै पनि अन्त्य भइनसकेकाेले उच्च सावधानीकासाथ विद्यार्थी र अभिभावकलाई २५ दिने परामर्श राखिएको कुरा सिंखडाले बताए ।

हरेक दिन फरक फरक शैक्षिक सस्थाको प्रतिनिधित्व गर्दै विद्यार्थीहरुलाई परामर्श प्रदान गरिने हुँदा कोरोना सङ्क्रमणको सम्भावना पनि कम हुने र आफूले खोजेको कलेज, कोर्ष र अवसरका बारेमा प्रत्यक्ष कलेज प्रतिनिधिसँगै साक्षात्कार गर्न पाइने हुँदा यो एड्मिसन मन्थ निकै नै उपयोगी हुने उनकाे विश्वास छ ।

भर्खरै कक्षा १२ को नतिजा प्रकाशित भएको तथा विभिन्न संकायका ब्याचलरर्स लेभलका नतिजा पनि चाडै नै प्रकाशित हुने भएकाले विद्यार्थीहरुले आफनो कोर्स इन्ट्री क्राइटेरीया, स्कलरसीप जस्ता विषयमा कलेज तथा युनिभर्सिटीका आधिकारीक व्यक्तिहरुसँग परामर्श लिन पाउनु अत्यन्तै राम्रो हुने निर्देशक सिंखडा बताउँछन् ।

थप जानकारीका लागि तलको लिङ्कमा जानुहोस्