गाउँ सहर

कोटेश्वरस्थित नरेफाँटबाट ६ जुवाडे प्रहरी नियन्त्रणमा

• गाउँ सहर संवाददाता
• १४ पौष बुधबार, २०७८ | १३:३८:०० मा प्रकाशित

काठमाडौं । जुवा खालमा प्रहरीले छापा मारेर ६ जनालाई पक्राउ गरेको छ । कोटेश्वरस्थित नरेफाँटमा सञ्चालित जुवा खालमा प्रहरीले छापा मारेर ६ जनालाई पक्राउ गरेको हाे ।

हिजाे राति काठमाडौं–३२ नरेफाँटमा अमर लिम्बुको कोठामा जुवा खेलिरहेको अवस्थामा ६ जनालाई पक्राउ गरिएको महानगरीय प्रहरी परिसर काठमाडौंका प्रवक्ता (एसपी) दिनेशराज मैनालीले जानकारि दिएका छन् ।

पक्राउ पर्नेमा रौतहट घर भएका निलबहादुर रानामगर, ललितपुर घर भएका रामबहादुर घलान, मोरङका विकास गजमेर, रामेछापका सुब्बा रोका र विश्वराज थापा तथा तेह्रथुम घर भएका अम्मर लिम्बु रहेकाे प्रहरीले जनाएकाे छ । 

महानगरीय प्रहरी प्रभाग कोटेश्वरका इन्स्पेक्टर सुरेशराज भट्ट नेतृत्वको टोलीले जुवा खालबाट १ लाख ४३ हजार नगद र १२ बुक तास बरामद गरेको छ ।

यस सम्बन्धमा थप अनुसन्धान भइरहेकाे प्रहरीले बताएकाे छ ।