राजनीति

कांग्रेस सहमहामन्त्रीमा किशोर सिंह राठौर र फरमुल्लाह मन्सुर विजयी

• गाउँ सहर संवाददाता
• २ पौष शुक्रबार, २०७८ | १६:०७:०० मा प्रकाशित

काठमाडौं। नेपाली कांग्रेसको सहमहामन्त्रीमा खसआर्यतर्फ किशोरसिंह राठौर निर्वाचित भएका छन् ।

शुक्रबार सकिएको मतगणनामा देवराज चालिसेलाई पराजित गर्दै किशोरसिंह निर्वाचित भएका हुन् । 

निर्वाचित रठौरले २५७६ मत प्राप्त गरेका छन् भने अर्का उमेदवार देवराज चालिसेले २०५९ मत ल्याएका छन् । निर्वाचित रठौर देउवा प्यानलबाट उमेदवार बनेका थिए । 

त्यसैगरि, सहमहामन्त्रीमा मुस्लिमतर्फ फरमुल्लाह मन्सुर निर्वाचित भएका छन् । शुक्रबार सकिएको मतगणनामा शेख वकिललाई पराजित गर्दै फरमुल्लाह निर्वाचित भएका हुन् ।

कुल ४६८६ मत मध्ये मन्सुरले २७७६ मत पाएका थिए। शेखर कोइराला प्यानलका शेख वकीलले १८७१ मत पाएका थिए।

फरमुल्लाह देउवा र शेख कोइराला प्यानलबाट उम्‍मेदवारी दिएका थिए ।