अर्थतन्त्र

ओरालोकाे ओरालो शेयरबजार यात्रा, लगानीकर्ता हुनथाले निराश

काठमाडौं । निरन्तर ओरालोकाे ओरालो हुन थालेपछि शेयरबजारका लगानीकर्ता निराश हुन थालेका छन् । 

नेपाल स्टक एक्सचेञ्ज (नेप्से)मा साताको कारोबारको चौथोे दिन आज बुधबार पनि दोहोरो अंकको गिरावट आएको छ । आज नेप्से ५३.१० अंकले घटेर दुई हजार ४ सय ५५ दशमलब ८१ विन्दुमा थामिएको हो ।

त्यस्तै, आज कारोबारसँगै इन्डेक्स पनि घटेको छ । आज २ अर्ब ६६ करोड ३९ लाख बराबरको कारोबार भएको छ ।

आज कारोबार भएका ७ वटा कम्पनीको शेयरमूल्य बढेको छ भने १८१ वटा कम्पनीको शेयरमूल्य घटेको छ । त्यस्तै, एक कम्पनीको शेयरमूल्य स्थिर रहेको छ । 

नेप्सेका अनुसार आज सामुदायि लघुवित्त र एकसेल डेभलपमेन्ट बैंकको शेयरमूल्यमा उच्च गिरावट आएको छ । आज यस कम्पनीको शेयरमूल्य करिब ८ प्रतिशत भन्दा बढीले घटेको छ । 

 

यस्तै, कारोबारको आधारमा आज सबैभन्दा बढी कारोबार नेशनल हाइड्रोपावरको भएको छ । यस बैंकको आज ११ करोड ८८ लाख भन्दा बढीको कारोबार भएको छ ।    

बजारले आफ्नो पुरानै गतिलाई छोडन सकेको देखिएन । बजारमा आएको उच्च गिरावटले अन्ततः बियरिस ट्रेन्ड समाउने हो की भन्ने लगानीकर्ताको चिन्तालाई अझ बढी प्रश्रय दिएको जानकार लगानीकर्ताहरुको भनाई छ ।

गाउँ सहर संवाददाता

तपाईँको मत