गाउँ सहर

थप्पडकाे बदला घाँटीमा सलले कँसेर हत्या

• गाउँ सहर संवाददाता
• २० मङ्सिर सोमबार, २०७८ | १४:०३:०० मा प्रकाशित

काठमाडाैं । प्रहरीले श्रीमाती हत्या गरेको आरोपमा श्रीमानलाइ पक्राउ गरेकाे छ ।  ललितपुरको कुपन्डोलमा श्रीमाती हत्या गरेको आरोपमा श्रीमान पक्राउ गरिएकाे हाे ।

ललितपुर प्रहरी परिसरको टोलीले प्राविधिक अनुसन्धानपछि मृतकका श्रीमान ३५ वर्षीय एक्काराज भुजेललाई पक्राउ गरेको जनाएकाे छ । भुजेलले मंसिर १६ गते कोठामा श्रीमती जानुका मृत भेटिएको भन्दै छिमेकीलाई खबर गरेका थिए । त्यसपछि प्रहरी घटनास्थल पुगेको थियो ।

ललितपुर प्रहरी प्रवक्ता प्रज्वल महर्जनले एक्काराजले श्रीमतीको घाँटीमा सलले कँसेर हत्या गरेको बताएका छन् । उनका अनुसार एक्काराज मदिरा सेवन गरी दिउँसो कोठा पुगेका थिए । आफूलाई  श्रीमतीले थप्पड हिर्काएकाे भन्दै  एक्काराम श्रीमतीमाथि जाई लागेका थिए ।

‘काम गर्नु छैन, जाँडमात्र खानु हुन्छ भनेर श्रीमतीले रिस पोखेकी रहिछन् । त्यहीबेला एक्काराजले घाँटी कँसेको पाइएको छ’, एसपी महर्जनले भने। घटनाका बेला उनीहरुका तीनैजना सन्तान स्कुल गएका थिए। मृतकका १६ वर्षीया छोरी तथा ९ र ६ वर्षका छोरा छन् । भुजेल दम्पत्ती ज्यामी काम गर्दै आएका थिए ।