गाउँ सहर

श्रीमानको कुटपिटबाट श्रीमतीको मृत्यु

• गाउँ सहर संवाददाता
• १९ मङ्सिर आइतबार, २०७८ | १६:२६:०० मा प्रकाशित

काठमाडौं । झापामा श्रीमानको कुटपिटबाट श्रीमतीको मृत्यु भएको छ । 

दमक नगरपालिका वडा नम्बर १० की ४९ वर्षीया घनादेवी आचार्यलाई श्रीमान ४५ वर्षीय रामकुमार लिम्बूले कुटपिट गर्दा मृत्यु भएको जिल्ला प्रहरी कार्यालयले जानकारी दिएको छ ।

मंसिर १६ गते घनादेवीलाई उनको श्रीमानले कुटपिट गर्दा घाइते भएकी थिइन् ।

उनलाई उपचारको लागि विराटनगरको नोबेल अस्पताल लगिएको थियो । 

उनको त्यहाँ उपचार हुन नसकेपछि चिकित्सकको सल्लाह अनुसार घर फर्काउने क्रममा शुक्रबार राति मृत्यु भएको कार्यालयले जनाएको छ ।

कुटपिटमा संलग्न लिम्बूलाई ईलाका प्रहरी कार्यालय दमकले पक्राउ गरी थप अनुसन्धान गरिरहेको छ ।