राजनीति

राप्रपाको नयाँ नेतृत्व चयनका लागि मतदान जारी

• गाउँ सहर संवाददाता
• १८ मङ्सिर शनिबार, २०७८ | १२:२८:०० मा प्रकाशित

काठमाडौं । राप्रपाको नयाँ नेतृत्व चयनका लागि मतदान भइरहेको छ । राप्रपाको एकता महाधिवेशन अन्तर्गत नयाँ कार्यसमिति चयन गर्न आज मतदान जारी भइरहेको हो ।

राप्रपामा अध्यक्ष, चार उपाध्यक्ष, तीन महामन्त्री र १४१ जना केन्द्रीय सदस्यका लागि आज निर्वाचन भइरहेको छ । अध्यक्षका लागि मतपत्रबाट मतदान हुनेछ भने पदाधिकारी र केन्द्रीय सदस्यका लागि विद्युतीय मेसिनबाट मतदान हुनेछ  ।

अध्यक्ष पदका लागि नेताद्वय कमल थापा र राजेन्द्र लिङ्देन भुनावी मैदानमा रहनु भएको छ । उहाँहरुबीच तीव्र प्रतिस्पर्धा हुने अनुमान छ । दुवै पक्षले आफूहरुको जीत सुनिश्चित रहेको बताउँदै आएका छन् ।

यसैगरी, पदाधिकारीमा एक महिलासहित चार उपाध्यक्षका लागि आठ जना र एक महिलासहित तीन महामन्त्रीका लागि ६ जना चुनावी प्रतिस्पर्धामा छन् । यस्तै, १४१ केन्द्रीय सदस्यका लागि २ सय ६४ जनाले उम्मेदवारी दिएका छन् ।