गाउँ सहर

सिन्धुलीको एक गोदाममा  आगलागी

• गाउँ सहर संवाददाता
• १४ मङ्सिर मंगलबार, २०७८ | १३:०४:०० मा प्रकाशित

   सिन्धुली । सिन्धुलीको एक गोदाममा  आगलागी भएको छ ।

आज बिहान १० बजेदेखि कमलामाई नगरपालिका–६ रातमाटास्थित गोदाममा भीषण आगलागी भएको जिल्ला प्रहरी कार्यालय सिन्धुलीका प्रहरी नायब उपरीक्षक मनोज लामाले जानकारी दिएका छन् ।

आगलागी कसरी सुरू भएको हो भन्ने खुलिनसकेको उनले बताएका छन् । अहिले दुइटा दमकलले आगलागी नियन्त्रणमा लिने प्रयास गरिरहेको छ ।

'त्यहाँ रक्सी, हार्डवेयर, औषधि लगायत सामानको गोदाम हो । अहिले नियन्त्रणमा लिने प्रयास गर्दैछौं,' उनले बताए  । कसको गोदाममा आगलागी भएको हो भन्ने अहिले खुलिनसकेको प्रहरीले जनाएको छ । 

आगलागी नियन्त्रणको लागि स्थानीय, प्रहरी र सशस्त्र प्रहरी खटिएका छन् ।