राजनीति

निर्वाचन आयोगको निर्णयबारे विवेकशील साझा पार्टीले यसाे भन्याे

काठमाडाैँ । विवेकशील साझा पार्टीले तिहार, नेपाल संवत् ११४२ तथा छठ पर्वको शुभकामना दिँदै अब काम कारबाही नयाँ विधान अनुरूप अघि बढ्ने बताएकाे छ ।

जारी विज्ञप्तिमा उसले भनेकाे छ, "गत कार्तिक ११ गते अध्यक्ष रवीन्द्र मिश्रको अध्यक्षतामा बसेको पार्टीको केन्द्रीय समितिको बैठकले अन्य निर्णयहरूका अलावा दुई-तिहाइ भन्दा बढी मतका साथ पार्टीको नयाँ विधान पारित गरेको थियो । साथै, केन्द्रीय समिति सदस्यहरूको सङ्ख्या (५ जनाको राजीनामा र एक जनाको देहावसानका कारण) अब १२४ रहेको जानकारी गराएको थियो । यी दुवै विषयबारे निर्वाचन आयोगलाई जानकारी गराई आयोगको रेकर्ड अद्यावधिक गराउन आवश्यक थियो । हामीले निर्वाचन आयोगलाई त्यसै अनुरूप पत्राचार गरेका थियौँ । हिजो कात्तिक १७ गते बुधवार निर्वाचन आयोगले कानुन बमोजिम “विवेकशील साझा पार्टीको विधान २०७८” र केन्द्रीय समितिमा हेरफेर भएको विवरण सदर गरी आयोगको रेकर्ड अद्यावधिक गरेको जानकारी दिएको छ । अब उप्रान्त हाम्रो काम कारबाही नयाँ विधान अनुरूप अघि बढ्नेछ । साथै केन्द्रीय समितिको कूल सदस्य सङ्ख्या १२४ मानिनेछ ।"

उसले अन्त्यमा अब पार्टीको काम कारबाही अघि बढाउन कुनै कानुनी अवरोध छैन । अध्यक्ष रवीन्द्र मिश्रले फरक मत राख्ने पार्टीका साथीहरूलाई विमति भए पनि केन्द्रीय समितिको अत्यधिक बहुमत र निर्वाचन आयोगको निर्णयलाई सम्मान गर्न विनम्र आग्रह गरेकाे कुरा उल्लेख गरेकाे छ ।

गाउँ सहर संवाददाता

तपाईँको मत