अर्थतन्त्र

सिटिजन लाइफद्वारा घरमै पुगेर बीमा दाबी रकम भुक्तानी

इलाम । सिटिजन लाइफ इन्स्याेरेन्स कम्पनीले बिमीतकाे घरमै पुगेर बीमा दाबी रकमबापतकाे रकम भुक्तानी गरेकाे छ । 

इलाम- १०, गाेदकमा ५ लाख ५० हजार रूपैयाँ सन्ताेष राईलाई दाबी भुक्तानी गरेकाे छ ।  

मृतक राईले पाँच महिनाअघि सिटिजन लाइफ इन्स्याेरेन्समा २० वर्षे सिटिजन शुभारम्भ बीमा याेजना गरेकाे अज्ञात राेगका कारणले मृत्यु भएकाे थियाे । 

मृतककी श्रीमती सृजना राईलाई बीमाङ्क रकम ५ लाख र काजक्रिया खर्च वापत ५० हजारसमेत एकमुष्ठ रू ५ लाख ५० हजारकाे चेक कम्पनीका एरिया ब्रान्च मेनेजर उत्तम काेइरालाले हस्तान्तरण गरेका थिए । २० वर्षपछि बीमा परिपक्व अवधिमा मृतककी श्रीमतीले बीमाङ्क रकम ५ लाख पुन प्राप्त गर्नेछिन् । 

साे कार्यक्रममा इलाम शाखा प्रमुख तिलविक्रम सुब्बा, सिटिजन लाइफ इन्स्याेरेन्सका एजेन्सी मेनेजर प्रविण राईकाे पनि उपस्थिति रहेकाे थियाे । साे चेक हस्तान्तरण कार्यक्रममा कम्पनीका एरिया ब्रान्च मेनेजर काेइरालाले सिटिजन लाइफ इन्स्याेरेन्स कम्पनीले झण्झटरहित डिजिटल प्रक्रियाले घरमा नै आएर दाबी भुक्तानीकाे चेक हस्तान्तरण गर्दा जनमानसमा जीवन बीमाप्रतिकाे विश्वास अझ बढेर जाने बताए । मृतक परिवारकाे तफबाट घरमै आएर यसरी दाबी भुक्तानी गरिदिएकाेमा सिटिजन लाइफलाई धन्यबाद दिए ।

गाउँ सहर संवाददाता