दसैंकाे नवमीसम्म सुनसान काठमाडौं
- २८ असोज बिहीबार, २०७८ | १६:४५:०० मा प्रकाशित
काठमाडाैं । नेपालीहरूको महान् पर्व विजयादशमी मनाउन आमसर्वसाधारण सहरबाट गाउँ फर्किएसँगै नवमीकाे दिनसम्म काठमाडौं सुनसान भएको छ ।
बडादसैँ तथा तिहार मनाउन सर्वसाधारण गाउँ फर्किएका र काठमाडौंका स्थानीयवासी घरबाहिर ननिस्किँदा उपत्यका सुनसान भएको हो । तर तर असन, इन्द्रचोक, वसन्तपुर लगाएतका स्थानहरुमा भने भिडभाड नै छ ।
सधैँजसो ट्राफिक जामले भरिने काठमाडौं उपत्यकाका सडक अहिले जनसंख्या पातलिँदै जाँदा सुनसान भएका छन् । सडकमा हिँडडुल गर्ने मानिस र सवारीसाधन फाट्टफुट्ट मात्रै देखिएका छन् भने किनमेलका पसल प्रायः बन्द छन् ।
काठमाडौंमा मानिसको खचाखच हुने न्युरोड, आरएनएसी, भद्रकाली, महाबौद्धलगायत ठाउँमा पसल बन्द छन् ।
दसैँमा हुन सक्ने सम्भावित दुर्घटनालाई न्यूनीकरण गर्न भन्दै महानगरीय ट्राफिक प्रहरी महाशाखाले ठाउँ–ठाउँमा चेकिङ गरिरहेको छ ।
सार्वजनिक गाडी निक्कै कम मात्रै चल्दा सडक सुनसान बनेका छन् । निजी गाडीको चाप पनि निक्कै कम छ, सडकमा ।
प्राप्त प्रतिक्रिया
तपाईँको मत
प्रतिकृया दिनुहोस