राजनीति

विश्वभर काेराेना : हालसम्म २३ कराेड संक्रमित, २० कराेड जना निकाे, ९८ हजारकाे अवस्था गम्भिर

काठमाडौं । पछिल्लाे समय विश्वभर काेराेनाका संक्रमित हुनेभन्दा निकाे हुनेकाे संख्या बढेकाे छ । पछिल्लाे २४ घण्टामा ४ लाख ५५ हजार संक्रमित थपिएका छन् भने ८ हजार १६९ काे मृत्यु भएकाे छ । त्यसैगरि ५ लाख ५ हजार जना निकाे भएका छन् ।

संक्रमितमध्ये हालसम्म विश्वभर निको हुनेको संख्या २० करोड ६९ लाख ९५ हजार जनाभन्दा बढि छन् । विश्वभर हाल १ कराेड ८५ लाख ६१ हजार जनामा काेराेनाभाइरस सक्रिय छ ।

वर्ल्डोमिटर्स डट इन्फोकोरोनाभाइरसका अनुसार संक्रमितको संख्या भने २३ करोड २ लाख ७८ हजार नाघेको छ भने मृतकको संख्या ४७ लाख २१ हजार ६३२ जना पुगेको छ । 

यो समाचार तयार पार्दासम्मको इन्फोका अनुसार सक्रिय केशमध्ये ९८ हजार जनाको अवस्था गम्भीर छ ।

भाइरसका कारण अमेरिकामा हालसम्म विश्वमै सबैभन्दा बढि संक्रमित र मृत्यु भएको छ । अमेरिकामा ४ कराेड ३२ लाख ४२ हजार भन्दा बढि संक्रमितमध्ये त्यहाँ अहिलेसम्म ६ लाख ९६ हजार भन्दा बढि जनाले ज्यान गुमाइसकेका छन् भने २३ हजारको अवस्था गम्भीर छ । अहिलेसम्म ३ कराेड २८ लाख ३० हजार भन्दा बढि जना निको भइसकेका छन् भने पछिल्लाे २४ घण्टामा एक लाख २० हजार थपिएसँगै कुल ९७ लाखमा भाइरस सक्रिय छ भने १ हजार ९२७ जनाकाे मृत्यु भएकाे छ ।

दाेस्राे नम्बरमा रहेकाे भारतमा थप ३८५ जनाकाे मृत्युसँगै कुल संख्या ४ लाख ४५ हजार ८०१ जनाकाे ज्यान गइसकेकाे छ । पछिल्लाे २४ घण्टामा २७ हजार ३३३ जना नयाँ संक्रमित थपिएका छन् । यससँगै भारतमा संक्रमित संख्या हालसम्म ३ कराेड ३५ लाख ३० हजार जना सहित विश्वभर कोरोनाभाइरस धेरै संक्रमण हुने देशहरूको सूचीमा दाेस्राे नम्बरमा छ ।त्यसैगरि हालसम्म ३ कराेड २७ लाख ७६ हजार जना निको भएका छन् । सक्रिय केस ३ लाख ८ हजार जना छन् जसमध्ये ८ हजार ९४४ जनाको अवस्था गम्भीर छ ।

ब्राजिलमा कुल मृत्यु हुनेकाे संख्या ५ लाख ९१ हजारभन्दा बढी छन् । हाल ३ लाख ७५ हजार जनामा काेराेना भाइरस सक्रिय छ । हालसम्म २ कराेड १२ लाख ४७ हजार जना संक्रमितमध्ये २ कराेड २ लाख ८० हजार निकाे भइसकेका छन् । विश्वभर सबैभन्दा धेरै संक्रमित हुने देशमा ब्राजिल तेस्राे नम्बरमा छ ।

नेपालमा भाइरस संक्रमित ७ लाख ८६ हजार ५७७ जना पुगेका छन् भने ७ लाख ५४ हजार जना निको भइसकेका छन् । अहिलेसम्म मृतकको संख्या ११ हजार ५३ पुगेको छ भने २१ हजार ५२४ जना उपचाररत छन्  ।

गाउँ सहर संवाददाता