सम्हालिएकाे शेयरबजारमा ७ अर्ब बढीको कारोबार, सामान्य अंकले बढ्याे नेप्से
- गाउँ सहर संवाददाता
- ५ असोज मंगलबार, २०७८ | १५:४५:०० मा प्रकाशित
काठमाडौं । निकै उतार चढावबीच नेप्से सूचक सामान्य अंकले बढेर २७०० विन्दु माथि देखिएको छ ।
कारोबार शुरु भएको पहिलो घण्टामा भारी गिरावट देखिएपछि नेप्से परिसूचक २६१५ अंकसम्म झरेको थियो । तर कारोबार बन्द हुँदासम्म बजार फर्किएपछि नेप्से परिसूचक १३.८३ अंकले बढेर २७३४.५२ अंकमा पुगेको छ ।
यसदिन ७ अर्ब ३६ करोड ४७ लाख ९८ हजार ६५१ रुपैयाँ बराबरको १ करोड ५३ लाख ६ हजार ६१ कित्ता शेयर कारोबार भएको छ।
कारोबारमा आएका १३ उपसमूहमध्ये ९ उपसमूहको सूचक सकारात्मक देखिएका छन् भने ४ उपसमूहको सूचक नकारात्मक देखिएका छन्।
मनकामना स्मार्ट लघुवित्तको शेयरमूल्य सबैभन्दा धेरै ९.९९ प्रतिशतले बढेको छ । रुरु जलविद्युत, नेपाल इन्फ्रास्ट्रक्चर बैंक, लाइफ इन्स्योरेन्स कर्पोरेशन, महुली सामुदायीक लघुवित्त लगायतको शेयर मूल्य बढेको छ ।
त्यस्तै एक्सेल डेभलपमेन्ट बैंकको शेयरमूल्य सबैभन्दा धेरै ३.४२ प्रतिशतले घटेको बजारमा जानकी फाइनान्स, माउन्टेन इनर्जी तथा सपोर्ट माइक्रोफाइनान्स लगायतको शेयरमूल्य उच्चदरले घटेको छ ।
यसदिन अरुण भ्याली हाइड्रोपावरको सबैभन्दा धेरै २५ करोड ४४ लाख रुपैयाँ बराबरको शेयर कारोबार भएको छ ।
राष्ट्र बैंकले शेयर धितो कर्जामा राखेको सीमाकै काराण उच्चतम विन्दुमा पुगेको बजार घटेको लगानीकर्ताहरूकाे भनाइ छ । तरलता अभाव, ब्याजदर वृद्धि लगायतले पनि बजारमा असर पारेको छ ।
लगानीकर्ताको मनोबल भने दरिलो हुन सकेको छैन, अझै पनि धेरै लगानीकर्ता पर्ख र हेरकै अवस्थामा छन् ।
गाउँ सहर संवाददाता
मुलधारकाे विद्युतीय अखबारले समाजका विभिन्न आयामहरूलाई समेट्दछ ।
- शिक्षकहरुको अन्तरजिल्ला सरुवा रोकियाे
- निसीखोला बस दुर्घटना अपडेट : मृतकको संख्या ९ पुग्यो, २८ जना घाइते
- आइएमई पे एप मार्फत रिफन्डेबल टिकट प्रयोगकर्ताको संख्यामा उत्साहजनक वृद्धि
- बागलुङमा बस दुर्घटनामा ७ जनाको मृत्यु
- अनुसन्धान गर्न महरालाई ४ दिन हिरासतमा राख्न अदालतकाे अनुमति
- इलाम-१ मा उपनिर्वाचनका लागि यी २० दल भए दर्ता
- धरौटीमा छुटे सुन तस्करी प्रकरणमा पक्राउ परेका गुरुङ
- दुर्गा प्रसाईँका सुरक्षा गार्ड पक्राउ, साथबाट हतियार र सय राउण्ड गोली बरामद
- दीपक मनाङे बने भौतिक पूर्वाधार मन्त्री
- केही दिनदेखि शेयरबजारमा देखिएन उत्साह
प्रतिकृया दिनुहोस