राजनीति

तीन शीर्ष नेताबीच बालुवाटारमा भेटवार्ता

• गाउँ सहर संवाददाता
• ३ भदौ बिहीबार, २०७८ | १२:०८:०० मा प्रकाशित

काठमाडाैं । प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्ड र नेकपा एमाले (समाजवादी)का अध्यक्ष माधवकुमार नेपालबीच भेटवार्ता भएको छ ।

पूर्व प्रधानमन्त्री समेत रहेका नेपालले एमाले विभाजन गरेर नयाँ दल दर्ता गरेको भोलिपल्ट तीन नेताबीच बालुवाटारमा भेटवार्ता भएको हो ।

भेटमा मन्त्रिपरिषद् बिस्तार र सत्तारुढ गठबन्धनकाे आगामी रणनीति लगायतका विषयमा छलफल भएको बताइएको छ ।

एमालेबाट विद्राेह गरेका वरिष्ठ नेता नेपालले बुधबार नेकपा एमाले समाजवादी दल दर्ताका लागि निर्वाचन आयाेगमा निवेदन दर्ता गराएका छन् ।

नयाँ पार्टी दर्ता भएपछि माधव समूह सरकारमा जाने तयारीमा छ ।