अर्थतन्त्र

मंगलबार सुनचाँदीकै भाउ बढ्याे

• गाउँ सहर संवाददाता
• १ भदौ मंगलबार, २०७८ | १३:२३:०० मा प्रकाशित

काठमाडाैं । मंगलबार सुनको भाउ बढेर ९१ हजार रुपैयाँ पुगेको छ ।

सुनको भाउ तोलामा ४०० रुपैयाँले बढेको छ भने चाँदीको भाउ तोलामा १० रुपैयाँले बढेको छ ।

नेपाल सुनचाँदी व्यवसायी महासंघका अनुसार मंगलबारका लागि छापावाला सुनको मूल्य प्रतितोला ९१ हजार रुपैयाँ र तेजाबी सुनको लागि प्रतितोला ९० हजार ५०० रुपैयाँ तोकिएको छ ।

अघिल्लो दिन छापावाला सुन प्रतितोला ९० हजार ६०० रुपैयाँ र तेजाबी सुन प्रतितोला ९० हजार १०० रुपैयाँमा खरिदबिक्री भएको थियो ।

यस्तै, मंगलबार चाँदीको मूल्य पनि बढेको छ ।

यस दिन चाँदी अघिल्लो दिनको तुलनामा तोलामा १० रुपैयाँले बढेर प्रतितोला १ हजार २१० रुपैयाँमा कारोबार भइरहेको छ ।