स्वास्थ्य

कोरोनाबाट मृत्यु हुने बागमतीमा सबैभन्दा बढी, सुदूरपश्चिममा कम

• गाउँ सहर संवाददाता
• ३० श्रावण शनिबार, २०७८ | २०:०४:०० मा प्रकाशित

काठमाडौँ । नेपालमा कोरोनाभाइरसका कारण अहिलेसम्म १० हजार २५९ को मृत्यु भएको छ ।

यसरी मृत्यु हुनेमा बागमती प्रदेशमा सबैभन्दा बढी ४ हजार ३८२ जनाको मृत्यु भएको छ भने सबैभन्दा कम सुदूरपश्चिम प्रदेशमा ४५१ जनाको मृत्यु भएको छ ।

यसरी नै दोस्रो धेरै मृतक रहेको प्रदेश लुम्बिनी हो, जहाँ अहिलेसम्म १ हजार ६४० जनाले ज्यान गुमाइसकेका छन् ।

तेस्रो बढी मृत्यु हुने प्रदेश प्रदेश नं १ हो जहाँ १ हजार ४५४ को मृत्यु भएको छ । यस्तै गण्डकी प्रदेशमा १ हजार १४७ ले ज्यान गुमाएका छन् ।

त्यसपछि प्रदेश नं २ जहाँ कोरोनाबाट अहिलेसम्म ७५२ को मृत्यु भइसकेको छ ।

देशभर भाइरसबाट सक्रिय संक्रमितको संख्या ३९ हजार ४०५ पुगेका छन् । यसमा होम आइसोलशनमा ३६ हजार २ र संस्थागत आइसोलेशनमा ३ हजार ४०३ छन् । यसमध्ये होम आइसोलेशनमा बस्नेको संख्या बागमतीमा सबैभन्दा बढी ९१६ हजार ३८२० र संस्थागत आइसोलेशनमा ९४७१० छन् । यस्तै सबैभन्दा कम होम आइसोलेशनमा रहने

सुदूरपश्चिममा छन् ९१ हजार १५१० । तर संस्थागत आइसोलेशनको कुरा गर्दा सबैभन्दा कम १२ जना प्रदेश २ मा छन् ।

कोरोना संक्रमितमध्ये ७६० जना सघन र १८६ जनाको भेन्टिलेटरमा उपचार भइरहेको छ ।

काठमाडौँ उपत्यकाको कुरा गर्ने हो भने काठमाडौँमा सक्रिय संक्रमितको संख्या ८ हजार ५७९ छ । ललितपुरमा १ हजार ९१८ र भक्तपुरमा १ हजार ३९१ छन् ।

जिल्लाको अवस्था हेर्ने हो भने २२ जिल्लामा ५०० भन्दा बढी संक्रमित छन् भने २०० बढी संक्रमित हुने जिल्लाको संख्या १५ छ ।

स्वास्थ्य तथा जनसंख्या मन्त्रालयका अनुसार कोरोना संक्रमणको दर गाउँ तथा सहरमा बढ्दो छ ।

उसका अनुसार संक्रमण दरकाे प्रतिशत १९.५ र मृत्यु प्रति दशलाखमा ३४५.८ छ ।