वातावरण

सोमबार सुदूरपश्चिम प्रदेशका थोरै स्थानहरुमा, मंगलबार बागमतीमा र बुधबार देशैभरी भारी वर्षा

• गाउँ सहर संवाददाता
• १० श्रावण आइतबार, २०७८ | २२:४०:०० मा प्रकाशित

काठमाडाैँ । मिति २०७८/०४/११ बाट बिस्तारै न्यून चापीय रेखा नेपालको तराई भू-भाग नजिक आउने सम्भावना रहेको र सो प्रणालीका कारण देशका धेरै  स्थानहरुमा हल्का देखि मध्यम वर्षा हुनुका साथै सोमबार सुदूरपश्चिम प्रदेशका थोरै स्थानहरुमा भारी वर्षा, मंगलबार राति प्रदेश नं १, बागमती , गण्डकी, कर्णाली र सुदूरपश्चिम प्रदेशका थोरै स्थानहरुमा भारी वर्षाको सम्भावना रहेको छ । साथै प्रदेश १ र बागमती प्रदेशका एक वा दुई स्थानमा धेरै भारी वर्षाको पनि सम्भावना रहेको छ भने बुधबार देशैभरी धेरै  स्थानहरुमा हल्का देखि मध्यम वर्षा भई थोरै स्थानहरुमा भारी/धेरै भारी वर्षाको सम्भावना रहेको हुनाले आवश्यक सतर्कता अपनाउन हुन अनुरोध छ । जल तथा माैसम विज्ञान विभाग