स्वास्थ्य

ह्वात्तै बढ्यो कोरोनाः मृत्यु हुनेको संख्या ३३, निकाे हुने ९४.६ प्रतिशत

काठमाडौँ । नेपालमा कोरोनाबाट पछिल्लो २४ घण्टामा ३३ जनाको मृत्यु भएको छ । योसहित अहिलेसम्म ९ हजार ४६३ को मृत्यु भएको छ ।

पछिल्लो २४ घण्टामा १२ हजार ७६८ को परीक्षण हुँदा २ हजार ६७६ संक्रमित थपिएका छन् । 

यस्तै कुल संक्रमित ६ लाख ६२ हजार ५७० पिसिआर परीक्षणबाट र एन्टिजेन परीक्षणबाट ४६ हजार ८६७ पुगेका छन् ।

मन्त्रालयका अनुसार निको हुनेको संख्या १ हजार ७०७ छ । याेसहित निको हुने ६ लाख २६ हजार ४६८ पुगेका छन् । निकाे हुने प्रतिशत ९४.६ छ ।

आजसम्म ३४ लाख ४४ हजार ५८६ जनाको पिसिआर परीक्षण  भएको छ भने एन्टिजेन विधिबाट २ लाख ५२ हजार ५४ को परीक्षण भएको छ । देशभरका क्वारेन्टाइनमा रहनेको संख्या २९२ र होम आइसोलेशनमा रहेको संख्या २४ हजार २५ छ भने संस्थागत आइसोलेशनमा रहेको संख्या २ हजार ६१४ छ ।

देशमा सक्रिय संक्रमितको संख्या २६ हजार ६३९ रहेको छ । देशका विभिन्न अस्पतालहरुमा ६०२ जनाको सघन र १७१ जनाको भेन्टिलेटरमा उपचार भइरहेको मन्त्रालयले जनाएको छ ।

अहिलेसम्म दोस्रो मात्राको खोप प्राप्त गर्नेको संख्या ११ लाख ८ हजार ८६८ पुगेको मन्त्रालयले जनाएको छ ।

गाउँ सहर संवाददाता